Trópacht

An fungas Phycomyces ag taispeáint fótatrópachta.

Is é rud is trópacht (ón tSean-Ghréigis tropos = iompaigh) ann feiniméan bitheolaíoch, a chuireann in iúl fás nó gluaiseacht iompála an orgánaigh, de ghnáth planda, de réir na spreagthaí a bhíonn sa timpeallacht.

Cineálacha trópachtaí

Athraíonn treo fáis i bplandaí de réir na spreagthaí nó na trópachtaí a théann i bhfeidhm orthu.

• Ceimeatrópacht, gluaiseacht nó fás mar fhreagairt ar cheimiceán nó cheimiceáin.
• Geotrópacht gluaiseacht nó fás mar fhreagairt ar an domhantarraingt.
• Hidreatrópacht, gluaiseacht nó fás mar fhreagairt ar thaise nó uisce.
• Fótatrópacht, gluaiseacht nó fás mar fhreagairt ar sholas na Gréine.
• Tigmeatrópacht, gluaiseacht nó fás mar fhreagairt ar thadhall.