Tom Hanks (seismeolaí)
| Beathaisnéis | |
|---|---|
| Breith | 20 haois |
| Faisnéis phearsanta | |
| Scoil a d'fhreastail sé/sí | Ollscoil Princeton  |
| Gníomhaíocht | |
| Réimse oibre | Seismeolaíocht |
| Gairm | seismeolaí, taighdeoir |
| Fostóir | Suirbhé Geolaíochta na Stát Aontaithe |
| Teangacha | Béarla |
Gradam a fuarthas | |
Is seismeolaí Meiriceánach é Thomas C. Hanks. Oibríonn sé le Suirbhé Geolaíochta na Stát Aontaithe (USGS) i Menlo Park, California. Tá an Dr. Hanks ina bhall de Chumann Seismeolaíochta Mheiriceá, den Aontas Geoifisiceach Mheiriceá, den Institiúid um Thaighde Innealtóireachta ar Chreathanna Talún, de Chumann Geolaíochta Mheiriceá, agus go leor cumann geolaíochta eile. Tá mórán páipéar léannta scríofa aige a bhaineann leis an tseismeolaíocht agus leis an ngeomoirfeolaíocht theicteonach.
Sa bhliain 1979, mhol an Dr. Hanks, i gcomhar leis an seismeolaí Seapánach-Meiriceánach Hiroo Kanamori, ollamh le seismeolaíocht in Institiúid Teicneolaíochta California, gur chóir scála méide na móiminte a úsáid in áit scála Richter chun creathanna talún a thomhas. An chúis leis sin ná go sáithíonn scála Richter ag méideanna níos mó ná thart ar 5.5, cé nach sáithíonn scála méide na móiminte ar chor ar bith.
Bhain Hanks B.S.E. in innealtóireacht gheolaíochta amach ó Ollscoil Princeton sa bhliain 1966 tar éis dó tráchtas a chríochnú dar teideal “The meaning of a heat flow experiment on Mars.” Fuair sé Ph.D. níos déanaí ó Institiúid Teicneolaíochta California sa bhliain 1972 tar éis dó tráchtas a chríochnú dar teideal “A Contribution to the Determination and Interpretation of Seismic Source Parameters”.[1]