Svaistice

Ón Vicipéid, an chiclipéid shaor.
Jump to navigation Jump to search
A collage of four swastika styles.jpg

Seansiombail í an svaistice - siombail reiligiúnach ach go háirithe - a bhí in úsáid ag na Ceiltighe, na Slavaigh, treibheanna Gearmáinice agus i sibhialtachtaí an Oirthir, cosúil leis na Hiondúigh agus lucht leanúna an Bhúdachais. Thug na Naitsithe taitneamh don svaistice mar shiombail, nó bhí a lán cumann rúndiamhrachta ag baint a n-úsáide aisti thiar i dtús na fichiú haoise i Vín. Is minic a deirtear gurbh é an t-idé-eolaí réamh-Naitsíoch Jörg Lanz von Liebenfels a thug isteach sna ciorcail sin í, ach dealraíonn sé go mbíodh a lán clubanna den chineál sin tugtha don svaistice roimhe sin.

Toisc an úsáid a bhain na Naitsithe as an tsiombail seo, bíonn muintir na dtíortha Iartharacha drogallach roimh an svaistice ar na saolta seo. Scéal eile go maireann na sibhialtachtaí Oirthearacha á húsáid, ós rud é go bhfuil a ciall féin aici ansin.