Robert William Alexander

Robert William Alexander
Beathaisnéis
Breith	21 Samhain 1905; Baile Átha Cliath, Éire
Bás	17 Nollaig 1979 ; 74 bliana d'aois
Gníomhaíocht
Gairm	scríbhneoir
Teangacha	Béarla

Ba scríbhneoir Éireannach é Robert William Alexander (ainm cleite gnách: Joan Butler) (21 Samhain 1905 – 17 Nollaig 1979). Maidir leis na húrscéalta a scríobh sé faoin ainm cleite Joan Butler, d'fhorbair Alexander stíl ghreannmhar le macallaí na n-údar Thorne Smith agus P. G. Wodehouse.^[1]

Saol[cuir in eagar | athraigh foinse]

Rugadh Robert ar an 21 Samhain 1905, i dteach a mhuintire in Ascaill an Iarnróid, Cill Fhionntáin, Contae Bhaile Átha Cliath, roinnt 12 km taobh thoir-thuaidh de chroílár na cathrach. Innealtóir leictreach ab ea athair Robert, a d'oibrigh le 'Mór-Iarnród an Tuaiscirt in Éirinn'. Reáchtáil an chuideachta 'Trambhealach leictrithe Chnoc na Teamhrach', a rith idir Cill Fhionntáin agus Stáisiún Iarnróid Bhinn Éadair, a d'oscail sa bhliain 1901. Ba é an teaghlach Alexander an chéad teaghlach a ghlac seilbh i gceann de na tithe a bhí tógtha ag an gcomhlacht le haghaidh na n-innealtóirí, in Ascail an Iarnróid. D'fhan an teaghlach Alexander socraithe ansin le linn óige Robert. Ba é Robert (Bobby) an ceathrú mac agus an leanbh is óige, Mary an ceann is sine, agus John (Jack) agus Ellen Christina (Eileen) ina dhiaidh sin. Rugadh a dtuismitheoirí, James agus Ellen, i bPort Láirge agus bhog siad go Baile Átha Cliath nuair a phós siad.