Princeton, New Jersey

Ón Vicipéid, an chiclipéid shaor.
Jump to navigation Jump to search
Sráid Nassau i lár Princeton

Baile i lár New Jersey is ea Princeton. Tá sé suite leath bealaigh idir Cathair Nua-Eabhrac agus Philadelphia. Sa bhliain 2013 measadh go hoifigiúil 29,008 duine a bheith ina gcónaí ann.

Mura raibh in Princeton ach áit leathan sa bhóthar ina luastair, ba thábhachtach go leor é an bóthar: Príomhbhóthar idir Nua-Eabhrac agus Philadelphia a bhí ann. Fuair na Meiriceánaigh an bua ar na Sasanaigh ann i gCath Princeton sa bhliain 1777. Ghlac fórsaí an dá thaobh seilbh ar Nassau Hall in Princeton agus rinneadh damáiste sách mór don fhoirgneamh stairiúil sin. Ar feadh ceithre mhí nó mar sin sa bhliain 1783, bhí rialtas na Stát Aontaithe suite in Nassau Hall.

Tá a fhios ag an saol go bhfuil Ollscoil Princeton suite in Princeton. Ar na hinstitiúidí acadúla, trádálacha agus eile ar an mbaile tá an Institute of Advanced Studies, Princeton Theological Seminary, SRI International, Dow Jones & Co. agus Drumthwacket, teach cónaithe oifigiúil ghobharnóir New Jersey.

Naisc sheachtracha[athraigh | athraigh vicithéacs]