Olympus Mons

Ón Vicipéid, an chiclipéid shaor.
Olympus Mons

Sciathbholcán is ea é Olympus Mons, agus é suite ag an ochtú céim déag de leithead an Tuaiscirt, ag an dhá chéad fiche agus séú céim d'fhad an oirthir (18° N 226° E) ar dhroim Mharsa. Tá sé ar an sliabh is airde ar fud an Ghrianchórais, nó tá sé seacht gciliméadar fichead níos airde ná a thimpeallacht, agus cúig chiliméadar fichead níos airde ná meánleibhéal Mharsa. Nix Olympica nó an Sneachta Oilimpeach a thug na réalteolaithe air ar dtús. Nuair a fuair na spástaiscéalaithe amach gur sliabh a bhí ann, baisteadh Olympus Mons nó Sliabh na hOilimpe air.