Michael Flatley
  | |
| Beathaisnéis | |
|---|---|
| Breith | 16 Iúil 1958 67 bliana d'aois Chicago, Illinois |
| Faisnéis phearsanta | |
| Scoil a d'fhreastail sé/sí | Brother Rice High School (en)  |
| Áit chónaithe | Corcaigh |
| Teanga dhúchais | Béarla |
| Gníomhaíocht | |
| Gairm | damhsóir, stiúrthóir scannán, aisteoir, cóiréagrafaí, aisteoir scannáin |
| Tréimhse oibre | 1991 – |
| Teangacha | Béarla |
| Glanfhiúchas | 304 M$ (2013) |
| Uirlis | Fliúit |
| Saothar | |
Saothar suntasach
| |
| Teaghlach | |
| Céile | Beata Dziaba (en) (1986–1997) Niamh O'Brien (2006–) |
Gradam a fuarthas | |
| Suíomh gréasáin | michaelflatley.com |
      
| |
Is damhsóir agus fear gnó Gael-Mheiriceánach-Monacach é Michael Flatley (nó Mícheál Ó Flaithileadh as Gaeilge). Rugadh é i Chicago, Stáit Aontaithe Mheiriceá ar an 16 Iúil 1958. Bhain sé cáil dhomhanda amach a bhuíochas do na seónna 'Riverdance' agus 'Lord of the Dance'. Is saoránach de chuid na hÉireann é Michael Flatley, cé gur rugadh in Chicago é, agus tá a shainchónaí i Monacó ó na 1990idí déanacha.
Beatha
[cuir in eagar | athraigh foinse]Chas Flatley le Beata Dziaba sa Royal Albert Hall, Londain sna 1980idí. Phós siad ar an 6 Eanáir 1986 i bPríosmaille sa Danmhairg agus fuair siad colscaradh in 1997.
Sna 1990idí bhí Flatley ina chónaí i Villefranche sur Mer,[1] baile galánta cois cósta in aice le Nice ar an Côte d’Azur. Ach tháinig sé i dtír ar lúb ar lár sa chóras cánach agus tá cónaí ar Flatley in Monacó ó na 1990idí déanacha, Thug sé le fios go minic gur thaitin sé leis an tsíocháin agus an príobháideacha – rud a d’fhéadfadh a bheith níos fusa i Monacó ná in áiteanna níos oscailte ar an Riviera.
Cheannaigh Michael Flatley teach mór i gCarraig an Éidigh,[2] Mainistir Fhear Maí i gContae Chorcaigh timpeall 1999-2001, nó Chaisleán de hÍde (a tógadh in 1760).[3] D’infheistigh sé 50 milliúin euro ann idir 2001 agus 2017, a mhaígh sé, le hathchóiriú agus athbheochan a dhéanamh air – teach Seoirseach stairiúil é a bhí i ndeireadh na feide nuair a cheannaigh sé é.[4] Rinne sé iarrachtaí é a dhíol ó 2015 ar aghaidh.[5] Cé gur laghdaíodh an praghas ina dhiaidh sin, níor díoladh é.[6]
Bhí Flatley geallta le Lisa Murphy sna 2000idí.[7]
Thosaigh Flatley (48 ag an am) ag dul amach leis an damhsóir Niamh O'Brien (32 ag an am) i mí an Meithimh 2006. Reáchtáladh an bhainis ar an 14 Deireadh Fómhair 2006 san Eaglais Naomh Pádraig, Mainistir Fhear Maí. Rugadh mac dóibh, Michael St. James, an bhliain dár gcionn.[8]
Cheannaigh Flatley pálás de theach in 2015 i mBelgravia Londain, in aice le Eaton Square. Chosain sé €28m. Tá teach mór eile aige i mBarbadós.
Ar an 20 Eanáir 2017. ghlac compántas Flatley, "Lord of the Dance", páirt i searmanas insealbhaithe Donald Trump, Bhí an míleatachas agus an náisiúnachas chun cinn sa seó.[9][10]
Tháinig meileanóma mailíseach ar Flatley i 2003 agus tháinig sé slán uaidh. Tháinig ailse ar Flatley arís in 2023.. Rinneadh máinliacht air.
_(page_1_crop).jpg)
Bhí fadhbanna tromchúiseacha ag Flatley lena theach, Caisleán de hÍde, sna 2020idí. Mhaígh sé go raibh truailliú ceimiceach ann. Dúirt sé go raibh a chroí briste go caitheadh sé "cónaí in óstáin" nuair a bhíonn sé in Éirinn. Ach bhí air iasacht €6.9 milliún a íoc ar ais chun an teach a choinneáil ó ghlacadóirí. Chuir Flatley an dlí a chur ar Austin Newport Group agus árachóirí i leith damáistí suntasacha, €30 milliún.[11]
In 2025, lorg Flatley ainmniúchán le seasamh i dtoghchán na hUachtaránachta 2025; mar "tháinig a lán daoine chuige ag fiosrú an mbeadh suim aige dul san iomaíocht".[12] Bhí cás os comhair na cúirte sin ag an am maidir le hobair tógála a rinneadh ar a phálás de theach i gCarraig an Éidigh. Chuir an t-abhcóide Ronnie Hudson in iúl don chúirt go raibh réalta na seónna Riverdance ag bogadh ar ais go hÉirinn le seasamh sa toghchán uachtaránachta.[13][14]
Aisteoireacht
[cuir in eagar | athraigh foinse]Bhí Flatley ina stiúrthóir, léirtheoir agus ina phríomhaisteoir ina scannán féin, Blackbird (2022), scéinséir mistéire faoi ghníomhaire rúnda "Blackbird" a éiríonn as an tseirbhís agus a osclaíonn club oíche galánta sa Chairib. Tugadh rátáil an-íseal don scannán (mar shampla Rotten Tomatoes 18%.[15] Dúirt an criticeoir scannán Mark Kermode gur "ceann de na scannáin is measa a chonaic mé riamh" ba ea é.
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ "Villefranche-sur-Mer" (as fr) (2025-05-16). Wikipédia.
- ↑ "Castlehyde House / Carraig an Éidigh" (ga). logainm.ie. Dáta rochtana: 2025-07-27.
- ↑ Mairéad Ní Nuadháin (29 Eanáir 2021). "Ní beag an stair an bhaineann leis an Teach Mór agus na heastáit" (ga-IE). Tuairisc.ie. Dáta rochtana: 2025-07-27.
- ↑ Roxy Simons (2018-06-29). "Michael Flatley relists Irish manor for second time at $14.5 million". Mail Online. Dáta rochtana: 2025-07-27.
- ↑ "No sale: Michael Flatley changes tack as beloved Castlehyde mansion remains for sale after two years" (en). Irish Independent (2017-12-13). Dáta rochtana: 2025-07-27.
- ↑ "Ní beag an stair an bhaineann leis an Teach Mór agus na heastáit" (ga-IE). Tuairisc.ie (2021-01-29). Dáta rochtana: 2025-07-27.
- ↑ Kayla Walsh, Cormac O'Shea (2023-01-09). "Michael Flatley: His life and career - his wife, divorce and rarely-seen son" (en). Irish Star. Dáta rochtana: 2025-07-27.
- ↑ "How They Met: Michael Flatley and wife Niamh's love story" (en-GB) (2025-07-25). Dáta rochtana: 2025-07-28.
- ↑ Nuacht RTÉ (2017-01-19). "Rinceoirí Flatley páirteach i searmanas insealbhaithe Trump" (as ga-IE).
- ↑ "Lord of the Dance Perform at Trump Inaugural Ball" (en-US). WSJ. Dáta rochtana: 2025-07-20.
- ↑ Sean Murray (2025-07-25). "Michael Flatley 'intends to seek nominations to run for President', court told" (en). Irish Examiner. Dáta rochtana: 2025-07-27.
- ↑ Nuacht RTÉ (2025-07-19). "Flatley.Níl sé cinnte fós ach 'b'fhéidir'" (as ga-IE).
- ↑ Cuireadh mionnscribhínn faoi bhráid na cúirte, a bhí sínithe ag an Uasal Flatley agus ag a dhlíodóir, Maxwell Mooney, a léirigh go raibh sé i gceist aige an t-ainmniúchán a lorg.
- ↑ Nuacht RTÉ (2025-07-25). "Michael Flatley le hainmniúchán a lorg don uachtaránacht" (as ga-IE).
- ↑ "Blackbird (2022) | Rotten Tomatoes" (en). www.rottentomatoes.com. Dáta rochtana: 2025-07-28.