Martin (cathair sa tSlóvaic)

Martin
Martin (sk) Turócszentmárton (hu)
Ainmnithe in ómós	Mairtín de Tours
Suíomh
49° 03′ 49″ N, 18° 55′ 17″ E
Stát ceannasach	an tSlóvaic
Réigiún sa tSlóvaic	Žilina region (en)
Ceantar sa tSlóvaic	Martin District (en)
Príomhchathair de	Martin District (en)
Daonra
Iomlán	52,520 (2021)
• Dlús	775.43 hab./km²
Tíreolaíocht
Achar dromchla	67.73 km²
Suite i nó in aice le limistéar uisce	Turiec
Airde	402 m
Sonraí stairiúla
Cruthú	1264
Eagraíocht pholaitiúil
• Ceannaire an rialtais	Ján Danko
Aitheantóir tuairisciúil
Cód poist	036 01
Lonnaithe i gcrios ama	UTC+01:00 UTC+02:00
Glaochód	043
Eile
Suíomh gréasáin	martin.sk

Cathair sa tSlóvaic atá i Martin, nó Turčiansky Svätý Martin ("Naomh Máirtín chois Turiec"), mar a bhí ar an áit go dtí an bhliain 1950. Tugann na hUngáraigh Turócszentmárton ar an gcathair, agus is é Turz-Sankt-Martin an seanainm Gearmáinise. Bhí timpeall 60 míle duine ina gcónaí ansin sa bhliain 2006. Dearctar ar an áit mar lárionad tábhachtach cultúrtha, ós ansin a bunaíodh forais cosúil le Músaem Náisiúnta na Slóvaice agus Matica Slovenská ("An Mháthairthír Shlóvacach"), eagraíocht athbheochana na teanga, thiar sa naoú haois déag. Inniu féin, tá leabharlann náisiúnta na Slóvaice ag oibriú i Martin, chomh maith le ceanncheathrú Matica.

Tá Martin suite in iardheisceart na Slóvaice, 30 ciliméadar soir ó theas ó Žilina, 60 ciliméadar siar ó thuaidh ó Banská Bystrica, agus 230 ciliméadar soir ó thuaidh ón mBratasláiv, príomhchathair na Slóvaice. Ritheann an dá shliabhraon úd Veľká Fatra agus Malá Fatra in aice leis an gcathair, agus le teacht an gheimhridh, bíonn idir mhuintir na háite agus na turasóirí ón gcoigríoch ag tabhairt aghaidh ar na sléibhte le dul ag sciáil.