Mícheál Ó Laoire

Ón Vicipéid, an chiclipéid shaor.
Mícheál Ó Laoire
Ceannaire Pháirtí an Lucht Oibre


Teachta Dála

Aibreán 21, 1965 - Bealtaine 21, 1969
Dúiche: Baile Átha Cliath Thuaidh-Lár
Toghchán: Olltoghchán na hÉireann, 1965
Teachta Dála

Iúil 2, 1969 - Feabhra 5, 1973
Dúiche: Baile Átha Cliath Thuaidh-Lár
Toghchán: Olltoghchán na hÉireann, 1969
Teachta Dála

Márta 14, 1973 - Bealtaine 25, 1977
Dúiche: Baile Átha Cliath Thuaidh-Lár
Toghchán: Olltoghchán na hÉireann, 1973
Teachta Dála

Iúil 5, 1977 - Bealtaine 21, 1981
Dúiche: Baile Átha Cliath Thuaidh-Lár
Toghchán: Olltoghchán na hÉireann, 1977
Feisire de Pharlaimint na hEorpa

Iúil 16, 1979 - Meitheamh 30, 1981
Dúiche: Baile Átha Cliath (toghcheantar na hEorpa)
Toghchán: toghchán Pharlaimint na hEorpa 1979
Tánaiste

Meitheamh 30, 1981 - Márta 9, 1982
Seoirse Ó Colla - Réamann Mac Searraigh
Teachta Dála

Meitheamh 30, 1981 - Eanáir 27, 1982
Dúiche: Baile Átha Cliath Lár
Toghchán: Olltoghchán na hÉireann, 1981
An tAire Turasóireachta, Cultúir, Ealaíon, Gaeltachta, Spóirt agus Meán

Meitheamh 30, 1981 - Márta 9, 1982
Seoirse Ó Colla - Ailbhe Mac Raghnaill
Teachta Dála

Márta 9, 1982 - Samhain 4, 1982
Dúiche: Baile Átha Cliath Lár
Toghchán: Olltoghchán na hÉireann, Feabhra 1982
Teachta Dála

Nollaig 14, 1982 - Eanáir 20, 1987
Dúiche: Baile Átha Cliath Thiar Theas
Toghchán: Olltoghchán na hÉireann, Samhain 1982
Saol
Eolas breithe Corcaigh, 8 Bealtaine 1936
Náisiúntacht Éire
Saorstát Éireann
Teanga dhúchais an Béarla
Bás Saint-Sever-de-Rustan, 11 Bealtaine 2006
Áit adhlactha Saint-Sever Abbey (en) Aistrigh
Cúis bháis timpiste ()
Oideachas
Alma mater Coláiste na Toirbhirte
Teangacha an Béarla
Gairm
Gairm polaiteoir agus abhcóide
Áit oibre Strasbourg agus An Bhruiséil
Cleamhnú
Páirtithe polaitíochta Páirtí an Lucht Oibre

Abhcóide agus polaiteoir sinsearach Éireannach ab ea Mícheál Ó Laoire (8 Bealtaine, 193611 Bealtaine, 2006), nó Michael O'Leary mar atá aithne air as Béarla. Agus é ina cheannaire ar Pháirtí an Lucht Oibre, chaith sé sealanna mar Aire Saothair, Aire Fuinnimh agus Tánaiste. Níos déanaí ina shaol, d'aistrigh sé go dtí Fine Gael.

A shaol[cuir in eagar | athraigh foinse]

Mac le tábhairneoir, rugadh Mícheál Ó Laoire i gCathair Chorcaí sa bhliain 1936. Oileadh é ag Coláiste na Toirbhirte, Coláiste na hOllscoile Corcaigh agus ansin Ollscoil Columbia i Nua-Eabhrac. Tar éis dó filleadh abhaile, thosaigh sé ag éirí gníomhach i bpolaitíocht an lucht oibre, agus fostaíodh é mar Oifigeach Oideachais ag Ceardchumann Oibrithe Iompair agus Ilsaothair na hÉireann.

Toghadh Ó Laoire go Dáil Éireann don chéad uair mar iarrthóir ón Lucht Oibre tar éis bua in olltoghchán na bliana 1965. Agus é istigh sa Dháil, thosaigh sé ag iarraidh seasamh eite chlé a pháirtí a neartú. Ar dtús, bhí sé glan in aghaidh comhrialtas a chuir ar bhun le Fine Gael, ach tar éis olltoghchán na bliana 1969, bhí sé den tuairim go raibh gá ann le stráitéis nua. Nuair a bhunaigh an dhá pháirtí comhrialtas sa bhliain 1973, ceapadh Ó Laoire ina Aire Saothair.

Sa bhliain 1977, rinne sé iarracht ceannaireacht an pháirtí a bhaint amach dó féin, ach fuair Proinsias Mac Bhloscaidh an ceann is fearr air. D'éirigh Mac Bhloscaidh as an bpost, áfach, nuair a chaill sé a shuíochán ag an olltoghchán sa bhliain 1981, agus roghnaíodh Ó Laoire d'aon ghuth chun teacht i gcomharbacht air. Sa bhliain 1979, toghadh é go Parlaimint na hEorpa ón thoghcheantar Bhaile Átha Cliath.

I rith an chomhrialtais idir Fine Gael agus an Lucht Oibre idir 1981 agus 1982, rinneadh Tánaiste agus Aire Fuinnimh de. Go gairid tar éis briseadh an rialtais ag olltoghchán na bliana 1982, shiúil Ó Laoire amach as an bpáirtí agus chuaigh sé isteach i bhFine Gael. Toghadh é ar ais sa Dháil arís.

Sa bhliain 1985, chuir Ó Laoire bille comhalta phríobháidigh ar cholscaradh ós comhair na Dála. Leis an éacht seo, cuireadh a lán brú ar an rialtas, agus bhí orthu reifreann a eagrú sa bhliain ina dhiaidh sin.

Nuair a bhunaíodh an Páirtí Daonlathach sa bhliain 1985, deirtear gur mhachnaigh sé faoi dul isteach leo.

Ní dheachaigh Ó Laoire san iomaíocht in olltoghchán na bliana 1987, agus d'fhill sé ar ais ar Chorcaigh chun obair a dhéanamh mar abhcóide arís. Ceapadh é mar bhreitheamh den Chúirt Dúiche sa bhliain 1997.

Bhásaigh Ó Laoire agus é ar shaoire san Fhrainc i mí na Bealtaine na bliana 2006.[1]

Tagairtí[cuir in eagar | athraigh foinse]