Ialus

Ón Vicipéid, an chiclipéid shaor.

Clann phlandaí dreaptha le fréamhacha méithe, cosúil le rópaí, gais fhéithleannacha a fhásann go tapa, agus bláthanna móra tonnadóirchruthacha, iad uile dúchasach do réigiúin mheasartha. Ina bhfiailí díobhálacha go minic. Sa Convolvulus arvensis, planda cósta, bíonn na duilleoga i gcruth rinn saighde, na bláthanna 3 cm ar leithead, bándearg le stríoca bána ar barr is stríoca marúna faoina bhun. San ialus mara bíonn na duilleoga duánchruthach, na bláthanna 5 cm ar leithead, bándearg le stríoca bána, agus an chailís folaithe ag dhá bhracht. In ialus an fháil bíonn na duilleoga i gcruth rinn saighde nó croí, na bláthanna 3.5 cm ar leithead, bán, agus an chailís folaithe ag dhá bhracht. Bíonn an t-ialus mór cosúil le hialus an fháil, ach na bláthanna 7.5 cm ar leithead.