An Hitis

An Hitis
𒌷𒉌𒅆𒇷
	;
Eapainm	Hitigh
Cineál	teanga mharbh agus teanga anallód
Úsáid
Dúchasach do	Impireacht na Hiteach
Stáit	Impireacht na Hiteach
Aicmiú teangeolaíoch
	teanga dhaonna; teangacha Ind-Eorpacha; teangacha Anatólacha
Tréithe
Córas scríbhneoireachta	script dhingchruthach Hiteach agus script dhingchruthach
Staidéar ag	Hittitology (en)
Leibhéal leochaileachta	6 díobhaí
Cóid
ISO 639-2	hit
ISO 639-3	hit
Glottolog	hitt1242
IETF	hit

Seanteanga Ind-Eorpach a bhí sa Hitis a bhí á labhairt san Anatóil (i dTuirc an lae inniu) ón 19ú haois RC go dtí an 11ú haois RC. Dealraíonn sé, áfach gur mhair iarsmaí éigin den Hitis i mbéal na ndaoine ina dhiaidh sin ar feadh cúpla céad bliain ar fad. Tháinig deireadh leis an scríbhneoireacht dhingchruthach timpeall na bliana 1100 RC, nuair a d'imigh impireacht na Hiteach de dhroim an tsaoil.

Is í an Hitis an ceann is sine de na teangacha Ind-Eorpacha a d'fhág iarsmaí scríofa ina ndiaidh, agus í chomh seanársa is go síleann cuid de na saineolaithe nach teanga Ind-Eorpach í i gciall chúng an téarma, ach gur chóir téarma nua a cheapadh leis an réamhtheanga ársa a shainaithint as ar fáisceadh an Ind-Eorpais agus an Hitis araon. Is fearr leis an gcuid ba mhó de na teangeolaithe, áfach, an Hitis a aicmiú mar cheann de na teangacha Ind-Eorpacha.

Tagairtí