Gang Liu

Gang Liu

Beathaisnéis
Breith	30 Eanáir 1961 64 bliana d'aois Liaoyuan, Daon-Phoblacht na Síne
Faisnéis phearsanta
Scoil a d'fhreastail sé/sí	Ollscoil Phéicing Ollscoil Nua-Eabhrac Ollscoil Columbia Ollscoil Eolaíochta agus Teicneolaíochta na Síne
Gníomhaíocht
Réimse oibre	Matamaitic
Gairm	polaiteoir, fisiceoir, eolaí ríomhaireachta, gníomhaí ar son chearta an duine, matamaiticeoir, airgeadaí, fisiceoir teoiriciúil
Fostóir	an Institiúid Ard-Léinn
Ghlac sé/sí páirt i
1989	sléacht i gCearnóg Tiananmen
Teaghlach
Athair	Liu Guichun
Suíomh gréasáin	jasmine-action.blogspot.com

Matamaiticeoir, fisiceoir, gníomhaí ar son an daonlathais, agus innealtóir Síneach-Mheiriceánach a saolaíodh in Liaoyuan, Cúige Jilin, sa tSín is ea Gang Liu (Pinyin:Gāng Liú, Sínis shimplithe: 刘刚; r. 30 Eanáir 1961).

Glacadh isteach é i roinn na fisice in Ollscoil Bhéising i bpríomhchathair na Síne sa bhliain 1982 agus ní ba dhéanaí bronnadh máistir eolaíochta sa radharceolaíocht air. Sa bhliain 1989 bhí sé ar dhuine de na ceannairí, in éineacht le Wang Dan agus Wuerkaixi, i ngluaiseacht dhaonlathais na mac léinn sa tSín. I ndiaidh na hagóidí sin a chur faoi chois, chuir rialtas na Síne é sa tríú háit ar liosta na ndaoine ba mhó ar iarraidh. Gabhadh é agus gearradh 6 bliana príosúnachta air.

Agus é saor sa bhliain 1996, níorbh fhada go raibh sé i bponc arís ar chúiseanna polaitiúla ach d'éirigh leis éalú go dtí an Iarthar. Bronnadh céim mháistir sa ríomheolaíocht air in Ollscoil Columbia i Nua-Eabhrac. Chaith sé tamall ag Bell Labs in Murray Hill, New Jersey freisin, sa Roinn Taighde ar Mhatamaitic Líonraí agus Córas, ag obair ar dearadh agus pleanáil líonraí radharceolaíochta, srl. D'oibrigh Liu Gang ina dhiaidh sin do Morgan Stanley i gCathair Nua-Eabhrac mar anailísí IT.

Naisc sheachtracha

• "In His Own Words: Liu Gang: A Story of Physics and Freedom in China", próifíl ag suíomh an American Physical Society, D.F. 1996; arna rochtain ar 11 Meitheamh 2015