Eric Adams

Eric Adams

(2018)
Beathaisnéis
Breith	1 Meán Fómhair 1960 64 bliana d'aois Brownsville, New York
Méara Nua Eabhrac
1 Eanáir 2022 – ← Bill de Blasio
Ball de Sheanad Stáit Nua-Eabhrac
1 Eanáir 2007 – 31 Nollaig 2013 ← Carl Andrews (en) – Jesse Hamilton (en)  →
Faisnéis phearsanta
Scoil a d'fhreastail sé/sí	John Jay College of Criminal Justice (en) Coláiste Marist New York City College of Technology (en) New York City Police Academy (en) Ardscoil Bayside
Áit chónaithe	Fort Lee
Gníomhaíocht
Suíomh oibre	Nua-Eabhrac Albany
Gairm	polaiteoir, garda
Fostóir	New York City Transit Police (en)
Ball de pháirtí polaitíochta	an Páirtí Daonlathach
Teangacha	Béarla
Gairm mhíleata
Céim mhíleata	police captain (en)

Polaiteoir Meiriceánach is ea Eric Leroy Adams a rugadh ar 3 Meán Fómhair 1960. Iar-phóilín, iaruachtarán Bhuirg Brooklyn, agus 110ú méara Chathair Nua-Eabhrac é.

Chaith Adams breis is 20 bliain leis an bpóilíneacht i gCathair Nua-Eabhrac, ar dtús mar phóilín sa chóras iompair agus ansin mar bhall den NYPD, seirbhís phóilíneachta na cathrach. Chuaigh sé ar scor agus rang captaen bainte amach aige. D'fhreastail sé mar bhall de Sheanad Stát Nua-Eabhrac ó 2006 go 2013, mar ionadaí an 20ú ceantar seanaid i mBrooklyn. I mí na Samhna sa bhliain 2013 toghadh Adams mar Uachtarán Bhuirg Brooklyn agus atoghadh don phost sin é sa bhliain 2017. Eisean an chéad duine de shliocht Afracach sa phost úd.

Ar 17 Samhain 2020, d'fhógair Adams go raibh sé ina iarrthóir ar phost mhéara Chathair Nua-Eabhrac mar bhall den Pháirtí Daonlathach. Bhí sé thiar sna pobalbhreitheanna i dtosach an fheachtais i ndiaidh iarrthóir eile, mar atá Andrew Yang, ach sa deireadh, ar 6 Iúil 2021, bhain Adams an bua sa réamhthoghchán. Sa toghchán ginearálta bhain Adams ollbhua amach ar iarrthóir an Pháirtí Phoblachtaigh, Curtis Sliwa. Go gairid i ndiaidh meán oíche ar 1 Eanáir 2022, ghlac Adams mionn na hoifige mar mhéara Chathair Nua-Eabhrac.