Cathair Ghuatamala

Ón Vicipéid, an chiclipéid shaor.
Jump to navigation Jump to search
Cathair Ghuatamala, trí bholcán sa chúlra

Príomhchathair Ghuatamala agus an chathair is mó sa tír is ea Cathair Ghuatamala (Spáinnis:Ciudad de Guatemala). Ainm eile ar an gcathair ná Nueva Guatemala de la Asunción. Tá sí suite i lár na tíre. Tá fothraigh uirbeacha ann a théann chomh fada siar le 1500 RC. Chuir na Spáinnigh mainistir ar bun sa ghleann sa bhliain 1628 darbh ainm El Carmen. Sna 1770idí, de bharr na gcreathanna talún a scrios Antigua, príomhchathair na tíre ag an am, haistríodh oifigí an rialtais go Cathair Ghuatamala. Rinneadh an phríomhchathair di go hoifigiúil sa bhliain 1775. Bhí 1,075,000 duine ina gcónaí sa chathair sa bhliain 2009. Measadh 4.5 milliún duine ina gcónaí i mórcheantar na cathrach i 2013.