Carraig Aonair

Carraig Aonair

(ga) Carraig Aonair (en) Fastnet Rock
Cineál	Oileán
Suíomh
Limistéar riaracháin	Contae Chorcaí, Éire
51° 23′ 18″ N, 9° 36′ 06″ O
Suite i nó in aice le limistéar uisce	An Mhuir Cheilteach
Codanna	teach solais Fastnet
Tréithe
Toisí	0.025 () × 0.05 () km
Achar	0.001 km²

Is oileán Éireannach í Carraig Aonair. Tá sí suite 6.5 ciliméadar amach ó Chléire agus 13 ciliméadar ó chósta Contae Chorcaí. Is oileánín cré shlinneach í le grianchloch tríd. Éiríonn sí 30 méadar (98 troigh) ar airde nuair a bhíonn sé ina lag trá. Tá cainéal ina teorainn idir an Charraig Aonair agus an Charraig Aonair Beag (Béarla: Little Fastnet). Tá sise i bhfad níos lú ná an Charraig Aonair fhéin.

Is í an Charraig Aonair an pointe is faide ó dheas in Éirinn. "Ireland’s Teardrop" a thugtar uirthi mar ba í an radharc deireanach ar Éirinn a fheiceadh eisimircigh agus iad ag tabhairt a n-aghaidh ar Mheirceá Thuaidh. Cuid lárnach den turasóireacht i ndeiscert Chorcaí é an suíomh seo.

Teach solais

Tá teach solais, darb ainm Fastnet Lighthouse, tógtha ar an oileán iargúlta. Tá sé 54 méadar ar airde agus is eisean an dara ceann a tógadh ar an oileán. Is é Fastnet Lighthouse an ceann is airde agus is leithne in Éirinn.

Is é an cúis ar tógadh an chéad teach solais ná gur chuaigh an long “Stephen Whitney” go tóin poill amach ó chósta an Lao Thiar ar an 10 Samhain 1847. Cailleadh 92 duine, idir phaisinéirí agus chriú. Níor tháinig ach 18 duine slán as. Ba é cúis na tragóide ná botún stiúrtha. Bhí an solas ar bharr an phointe is airde i gCléire clúdaithe le ceo dlúth, mar ba ghnách, agus cuireadh an long ar strae dá dheasca. Socraíodh teach solais a thógáil ar an gCarraig Aonair dá bharr. Cuireadh an tógáil i gcrích sa bhliain 1854. Tósaíodh ar theach solais nua a thógáil sa bhliain 1897 mar ní raibh an déantús sásúil a dhóthain don aimsir chrua.

Naisc sheachtracha

• Suíomh oifigiúil an teach solais (en)