Bunachar sonraí

Séard is bunachar sonraí ann ná bailiúchán leictreonach de shonraí atá gaolmhar go loighciúil lena chéile. San áireamh leis seo, bíonn sainmhíniú de leagan amach na sonraí. Bíonn an sainmhíniú seo deartha le riachtanais eolais na heagraíochta a shásamh.

Tréithe Bunachar Sonraí

• Leictreonach:– Bíonn na sonraí i dtaisce go fisiceach ar ghléas stórála leictreonach éigin
• Coibhneasta:– Tá na sonraí atá ann gaolta lena chéile ar bhealach éigin
• Sainmhíniú Iniata:– Tá cur síos agus formáid chinnte ag baint leis na sonraí
• Riachtanais Eolais:– Tá na sonraí atá i dtaisce ann tábhachtach don eagraíocht

Córas Bainistíochta Bunachar Sonraí

Bheadh sé casta bunachar sonraí a chruthú ón mbonn aníos. Is feidhmchlár é an córas bainistíochta bunachar sonraí (CBBS nó DBMS i mBéarla) a ligeann d’úsáideoir bunachar sonraí a chruthú agus a úsáid.

Samhlacha Bunachar Sonraí

Tá samhlacha éagsúla in úsáid le sonraí a eagrú. I measc na samhlacha éagsúla atá ann, tá:

• An tSamhail Choibhneasta
• An tSamhail Líonra
• An tSamhail Chliarlathais
• An tSamhail Bunaithe ar Oibiachtaí

Is í an tsamhail choibhneasta an ceann is coitianta atá in úsáid sa lá atá inniu ann. I gcás na samhla seo, is féidir na sonraí a shamhlú a bheith coinnithe i bhfoirm táblaí.

CBBSanna Coitianta ar an Margadh

• IBM DB2
• Microsoft SQL Server
• Microsoft Access
• MySQL
• Oracle
• PostgreSQL
• Sybase

Úsáidí Bunachar Sonraí

Tá bunachair shonraí in úsáid go forleathan sa saol sa lá atá inniu ann. Bíonn bunachair shonraí ag plé le gníomharthara ar nós:

• Earraí a cheannach san ollmhargadh
• Cárta creidmheasa a úsáid
• Leabhar a thógáil ar iasacht ó leabharlann
• Ticéid ceolchoirme nó pictiúrlainne a cheannach