Ascaill Ríoga, Béal Feirste

Ón Vicipéid, an chiclipéid shaor.
Ascaill Ríoga, Béal Feirste

Sráid i mBéal Feirste, Tuaisceart Éireann, is ea an Ascaill Ríoga, nó Royal Avenue go hoifigiúil. Tá sí suite i gCeantar na hArdeaglaise i gceartlár na cathrach. Príomhshráid siopadóireachta atá inti ó bunaíodh í sa bhliain 1881. Bhíodh an Grand Central Hotel, an t-óstán is mó cliú i mBéal Feirste, suite insan Ascaill Ríoga. Sa bhliain 1893 a tógadh é, agus baineadh úsáid as é mar bheairic de chuid Arm na Breataine Móire ón bhliain 1972 go dtí na luath-1980idí. Leagadh é agus tógadh cuid de Westfield CastleCourt, coimpléacs siopadóireachta, ina áit faoi dheireadh na 80idí.