An tÚdarás um Chosaint Iascaigh Mhara
| Sonraí | |
|---|---|
| Cineál | gníomhaireacht rialtais  |
| Stair | |
| Dáta a bunaíodh | 2007 |
| Suíomh gréasáin | sfpa.ie |
 
| |
Bunaíodh an An tÚdarás um Chosaint Iascaigh Mhara (ÚCIM) in 2007 faoi fhorálacha i gCaibidil 5, den Acht Iascaigh Mara agus Dlínse Muirí 2006, agus feidhmíonn sé faoi choimirce na Roinne Talmhaíochta, Bia agus Mara.
Feidhmeanna an Údaráis
[cuir in eagar | athraigh foinse]- Forfheidhmiú éifeachtúil agus éifeachtach a dhéanamh ar dhlí na n-iascach mara agus ar dhlí sábháilteachta bia mara.
- Comhlíonadh an dlí iascaigh mhara agus an dlí sábháilteachta bia a chur chun cinn agus sáruithe a dhíspreagadh.
- Sáruithe ar an dlí iascaigh mhara agus ar an dlí sábháilteachta bia a bhrath Braith sáruithe ar an dlí iascaigh mhara agus ar an dlí sábháilteachta bia.
- Faisnéis a sholáthar do na hearnálacha iascaigh mhara agus bia mara ar dhlí iascaigh mhara agus dlí sábháilteachta bia agus ábhair ábhartha faoi shainchúram an Údaráis, tríd an gCoiste Comhairleach a bunaíodh faoi alt 48 den Acht thuas luaite, nó ar aon bhealach eile a mheastar a bheith oiriúnach.
- Comhairle a thabhairt don Aire maidir le beartas maidir le dlí iascaigh mhara agus dlí sábháilteachta bia a chur i bhfeidhm go héifeachtach.
- Cúnamh agus faisnéis a sholáthar don Aire maidir le sainchúram an Údaráis.
- Sonraí a bhailiú agus a thuairisciú maidir le hiascaigh mhara agus sábháilteacht bia de réir mar a éilíonn an tAire agus faoin dlí an Chomhphobail.
- Ionadaíocht a dhéanamh nó cúnamh a thabhairt maidir le hionadaíocht an Stáit ag fóraim náisiúnta, an Chomhphobail agus idirnáisiúnta de réir mar a iarrann an tAire.
- Dul i mbun aon ghníomhaíochtaí eile a bhaineann le feidhmeanna an Údaráis de réir mar a cheadóidh an tAire.