Aigéad clórach

Ón Vicipéid, an chiclipéid shaor.
Jump to navigation Jump to search
An t-aigéad clórach
Chloric-acid-2D.png Chloric-acid-3D-vdW.png
Ainm IUPAC Aigéad clórach
Ainmneacha eile Chloric acid
Aitheantóirí
Uimhir CAS 7790-93-4
PubChem 19654
Airíonna
Foirmle mhóilíneach HClO3
Mais mhóilíneach 84.45914 g mol−1
Dealramh Leacht éadathach
Guaiseacha
NFPA 704 Nfpa h3.pngNfpa f0.pngNfpa r2.png

Is é an t-aigéad clórach an dara hocsaigéad is airde uimhir ocsaídiúcháin atá ag an gclóirín. Tugtar clóráití ar a chuid salann.

Airíonna[cuir in eagar | athraigh foinse]

Tá an t-aigéad clórach éagobhsaí ar chúiseanna teirmidinimice, agus ní féidir é a aonrú ón uisce. Na tuaslagáin uisce a bhfuil 30 % nó níos lú den aigéad seo iontu tá siad cobhsaí le teocht réasúnta íseal, agus má táthar an-chúramach is féidir an tuaslagán uisce a láidriú go 40 %. Is dual don aigéad clórach díréiriú a dhéanamh, má bhaintear triail as an tuaslagán a dhéanamh níos láidire ná sin - is é sin, cuid de na hiain chlóráite ag ocsaídiú go hiain sárchlóráite, an chuid eile ag dí-ocsaídiú go hiain chlóiríde nó go móilíní dé-ocsaíde clóirín, mar shampla:

8 HClO3 → 4 HClO4 + 2 H2O + 2 Cl2 + 3 O2
3 HClO3 → HClO4 + H2O + 2 ClO2

Guaiseacha[cuir in eagar | athraigh foinse]

Ocsaídeoir láidir agus aigéad láidir é an t-aigéad clórach, agus má thagann sé i dteagmháil le substaint indóite nó shodhóite, rachaidh an tsubstaint sin trí thine ar an toirt. Úsáidtear an t-aigéad clórach le clóráití a tháirgeadh.