Tráth inné is mé tnáite tréith
| Foirm cheoil | dán  |
|---|---|
| Teanga an tsaothair nó an ainm | an Ghaeilge |
Aisling thipiciúil den saghas a shamhlaítear leis an údar Eoghan Rua Ó Súilleabháin is ea Tráth inné is mé tnáite tréith.
Ábhar
[cuir in eagar | athraigh foinse]Tá an file ag fálróid leis go dubhach nuair a bhuaileann maighdean álainn - Éire i gcolainn dhaonna - leis. Cé go gcaíonn sí riocht dearóil a clainne tá teachtaireacht dóchais aici don fhile freisin - tá na "géanna fíáine" ar tí filleadh ar ais ar Éirinn chun na Gaill a ruaigeadh.
Dáta
[cuir in eagar | athraigh foinse]Sa dán maíonn an spéirbhean go bhfuil "Arnold...ag fáil an lae" ar fhórsaí na Breataine i gCogadh Saoirse Mheiriceá. Ceaptar mar sin gur cumadh an aisling sa chéad leath den bhliain 1776, sula raibh a fhios ag muintir na hÉireann go raibh teipthe ar ionradh Benedict Arnold ar Cheanada. Ceithre bliana dár gcionn (sa bhliain 1780), d'iompaigh Arnold a chóta agus thaobhaigh sé le fórsaí na Breataine. Mar sin, tá an tagairt mholtach dó sa dán seo ar iarraidh i roinnt de na lámhscríbhinní.
Tús an dáin
[cuir in eagar | athraigh foinse]Tráth inné is mé tnáite tréith / ar fán i gcéin gan duine im ghaire / tharla tréimhse i ndoire coille / im fhaon-luí ar neoin.