Réimse maighnéadach

Ón Vicipéid, an chiclipéid shaor.
Réimse maighnéadach á léiriú

Réigiún mórthimpeall ar mhaighnéad inar féidir iarmhairt an mhaighnéid a bhrath, mar shampla, ar lucht atá ag gluaiseacht, sreang shruthiompartha nó maighnéad eile. Cuirtear síos ar an réimse agus tomhaistear é leis an bhfloscdhlús maighnéadach, B, a thomhaistear i dteislí (T), is leis an déine mhaighnéadach, H, a thomhaistear in aimpéir in aghaidh an mhéadair (A m-1). Bíonn an-chuid feidhmeanna teicniúla ag réimsí maighnéadacha, an dineamó/gineadóir is an mótar ina measc.