Leipreachán

Ón Vicipéid, an chiclipéid shaor.
Leipreachán.

Gréasaí sí is ea é an leipreachán. Tá an leipreachán ar méid páiste óig, cé go bhfuil na céadta blianta slánaithe aige ar nós na sióg eile. Bíonn dúil mhór ag an leipreachán in airgead, agus deirtear go bhfuil pota mór óir i bhfolach aige. Is féidir iallach a chur ar an leipreachán an pota óir a thabhairt don té a bheireann ar an leipreachán, cé go n-éalóidh an leipreachán muna gcoinneofar amharc air an t-am ar fad. Tréithe seo an leipreacháin, taispeánann siad meas an tseansochaí ar fhir cheirde, is dócha. I dtuairim na muintire tuaithe, bhí na ceardaithe (ar nós gréasaithe, gaibhne, srl.) glic, saibhir, seachantach ar a gcuid maoine a roinnt le daoine eile.

Tá siombal d'Éirinn ar fad déanta den leipreachán i Meiriceá Thuaidh. Tá an siombal ceangailte le steiritípeanna eile Éireannacha, mar shampla cairdiúlacht, ólachán, agus Lá Fhéile Pádraig. Ní cairdiúil ar chor ar bith a bhí na leipreacháin i bhfíorseanchas na hÉireann, áfach.