An Yantar (long)
 | |
Ainmneacha
| |
| Eapainm | ómra  |
|---|---|
| Longchlós | Yantar Shipyard (en)  |
| Uimhir a shanntar ag an longchlós | 01602 |
Tír chlárúcháin | |
| Stair | |
| Leag an cíle | 8 Iúil 2010 |
| Seoladh loinge | 14 Nollaig 2012 |
| Coimisiúnú | 23 Bealtaine 2015 |
Úinéir/í | |
Oibreoir(í) | |
| Saintréithe teicniúla | |
| Cineál | intelligence ship (en) |
| Aicme | Project 22010 oceanographic research ship (en) |
| Fad | 107.8 m |
| Luas | 15 kn |
| Neamhspleáchas | 5000 nmi |
| Acmhainn | 50 |
| Tuilleadh eolais | |
| MMSI | 273546520 |
| Uimhir IMO | 4617863 |
| Comhartha glao |  R  M M  9  1 (Romeo-Mike-Mike-Nine-One) |
Is long spiaireachta (nó long bhailithe faisnéise) de chuid na Rúise í an Yantar (Rúisis: Янтарь, 'Ómra'). Is é Severomorsk calafort na loinge, agus is cuid den Cabhlach Thuaidh í.
Dearadh agus tógáil
[cuir in eagar | athraigh foinse]Tógadh an long sa Longchlós Yantar i Kaliningrad. Leagadh an long síos ar an 8 Iúil 2010, seoladh í i mí na Nollag 2012, agus tháinig a trialacha farraige chun críche i mí Bhealtaine 2015". Tá fad 108 méadar ar an long, toillíocht 5,736 tonna agus buaicluais de thart ar 15 mhuirfhach (28 km/u; 17 m/u). Go hoifigiúil tá foireann de 60 duine uirthi.
Eachtraí
[cuir in eagar | athraigh foinse]Tá an Yantar in ann cur isteach ar cháblaí fomhuirí. Chonacthas an long ag seoladh síos Muir Éireann i mí na Samhna 2024, ó dheas-iarthar Oileán Mhanann agus soir ó Bhaile Átha Cliath; luíonn cáblaí ag iompar sonraí do Microsoft, Google. srl. Thionlaic an long Éireannach LÉ James Joyce. amach as Muir Éireann í.
I mí na Samhna 2025, chonacthas an Yantar amach ó chósta na hAlban, agus í ar a bealach i dtreo uiscí atá faoi smacht na hÉireann. Gheall an Ríocht Aontaithe freagairt mhíleata dá n-aistreodh sí níos faide ó dheas. Bhí an long ag díriú léasair ar phíolótaí RAF a seoladh chun faireachas a dhéanamh. Mhaígh ambasáid na Rúise sa Ríocht Aontaithe go raibh histéire á cothú chun aird daoine a tharraingt ón drochbhail ar an ngeilleagar sa Bhreatain.[1]
Cúlra
[cuir in eagar | athraigh foinse]Bhí long spiaireachta ón Rúis, an Viktor Leonov, ag seoladh in uiscí na hÉireann i mí Aibreáin 2025. Thionlaic an LÉ Samuel Beckett an soitheach.[2]
Bhí líon na n-eachtraí hibrideacha ar bhallstáit de chuid an Aontais Eorpaigh agus ar an Bhreatain ag méadú ó thús na Cogaíochta san Úcráin.[3] Tharla méadú suntasach i réimse na cibear-ionsaithe chomh maith. Dúirt Uachtarán na Comhairle Eorpaí, Antonio Costa,gur “ionsaí hibrideach” a bhí i gceist le heachtraí na ndrón le linn 2025.[4]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ Conradh na Gaeilge Londain (22 Samhain 2025). "Nuacht Mhall (Luimneach)" (ga-IE). Apple Podcasts. Dáta rochtana: 2025-11-23.
- ↑ Nuacht RTÉ (2025-04-11). "Seolta crochta ag long spiaireachta ón Rúis" (as ga-IE).
- ↑ Nuacht RTÉ (2025-12-09). "Gan bhaint le dróin i rith chuairt Zelensky- Ambasáid na Rúise" (as ga-IE).
- ↑ "Diúltaithe ag an Taoiseach glacadh le maíomh ambasadóir na Rúise faoi dhróin os cionn Bhaile Átha Cliath" (ga-IE). Tuairisc.ie (2025-12-09). Dáta rochtana: 2025-12-09.