Vicipéid na Seapáinise

Ón Vicipéid, an chiclipéid shaor.
WD Bosca Sonraí VicipéidVicipéid na Seapáinise
TeangaAn tSeapáinis
Dáta cruthaithe11 Bealtaine 2001
CeadúnasCreative Commons Attribution-ShareAlike 3.0 Unported (en) Aistrigh agus Ceadúnas GNU do Dhoiciméadú Saor
Cainéal IRCirc://irc.freenode.net/#wikipedia-ja
AibítirJapanese writing system (en) Aistrigh
Staitisticí
Ailt1,406,367
Úsáideoirí cláraithe2,174,810
Riarthóirí40
Leathanaigh iomlána4,137,162
Comhaid áitiúla4,410
Vicipéid na Seapáinise

An leagan Seapáinise den chiclipéid phoiblí ilteangach Vicipéid is ea Vicipéid na Seapáinise (Seapáinis: ウィキペディア日本語版 Wikipedia Nihongo-ban). Bhí an tSeapáinis ar na chéad trí leagan a tháinig ar an saol i ndiaidh Vicipéid an Bhéarla i mí Márta, 2001. (An Ghearmáinis agus an Chatalóinis an chéad agus an an dara leagan.) Ní raibh ach dhá alt faoi dheireadh na bliana úd, áfach, agus iad scríofa le rōmaji (litreacha Rómhánacha) cheal bealach iad a scríobh ina script féin. Cuireadh ar siúl i gceart í i Meán Fómhair na bliana 2002, agus bhí 200,000 alt acu faoi mí Aibreáin, 2006, agus leathmhilliún alt i mí an Mheithimh, sa bhliain 2008. Ag deireadh na bliana 2014, bhí breis is 940,000 alt i Vicipéid na Seapáinise. Ar an 26 Iúil 2019, bhí 1,161,172 alt ann.

Rud suntasach maidir le Vicipéid na Seapáinise ná an líon athruithe a dhéanann eagarthóirí neamhchláraithe gan ainm ann, i gcomparáid le Vicipéidí eile (46% i gcás Vicipéid na Seapáinise sa bhliain 2006, i gcomparáid le 31% i gcomhar an Bhéarla, 28% i gcomhar na Gearmáinise, agus 19% i gcás na Fraincise. 38% an céatadán Seapáinise i nDeireadh Fómhar, 2014.)[1] Dar le Andrew Lih, is é cultúr an Idirlín sa tSeapáin is cúis leis sin, go háirithe tionchar 2Channel (2ch), córas clár plé ina mbíonn a lán Seapánach páirteach ann gan úsáid a bhaint as ainmneacha.[2] Tá céatadán an-íseal riarthóirí ann freisin. Tá an-bhéim ar an bpopchultúr ar Vicipéid na Seapáinise—de réir alt ar The New York Times, dúirt Jimmy Wales, agus é ag caint ag Wikimania in Buenos Aires sa bhliain 2009, nach mbaineann ach 20% de na hailt ansin le haon rud eile.[3]

Tagairtí[cuir in eagar | athraigh foinse]

  • Lih, Andrew. The Wikipedia Revolution: How a Bunch of Nobodies Created the World's Greatest Encyclopedia. Hyperion Books, Nua-Eabhrac, 2009. Chéad eagrán. ISBN 978-1-4013-0371-6.

Nótaí[cuir in eagar | athraigh foinse]

  1. [1] Wikimedia statistics Japanese, arna rochtain ar 30 Nollaig 2014
  2. Lih, lch. 145,
  3. Wikipedia Looks Hard at Its Culture, August 30, 2009, NYTimes.com

Naisc sheachtracha[cuir in eagar | athraigh foinse]

Vicipéid na Seapáinise Curtha i gcartlann 2008-07-05 ar an Wayback Machine