Tuilte lár-Texas, 2025
| |||||
| |||||
| Cineál | tuile maidhm thuile  | ||||
|---|---|---|---|---|---|
| Tréimhse | 4 - 7 Iúil 2025 | ||||
| Suíomh | Texas Hill Country, Texas , Central Texas (en)  Central Texas (en) , Texas, SAM | ||||
| Tír | Stáit Aontaithe Mheiriceá | ||||
| Cúis | Mesoscale convective complex (en) | ||||
| Líon básanna | 135 (28 Iúil 2025) | ||||
| Líon ar iarraidh | 3 (28 Iúil 2025) | ||||
| Costas damáiste | 18,000 M$ | ||||
| Meán cumarsáide | |||||
| Haischlib | #TexasFloods | ||||
Sceith an abhainn Guadalupe agus bhuail tuilte lár-Texas idir 4-7 Iúil, de thoradh titim throm báistí. Fuair níos mó ná 85 duine bás.[1]
Cúlra
[cuir in eagar | athraigh foinse]Sceitheann an abhainn Guadalupe thar a bruacha ó am go ham. Tugann an Lower Colorado River Authority[2] an t-ainm "Flash Flood Alley"[3] ar an abhantrach. Fuair 10 bás i mí Iúil 1987, agus 31 eile 1998.[4] Fuair 11 bás sa cheantar San Antonio in 2002[5] Maraíodh 13 eile i mí an Mheithimh 2025.[6]
Bhí blianta fada caite ag na feidhmeannaigh in Kerr County ag caint ar chóras foláireamh (callairí cumhachtacha go hairithe) a thógáil ar bhruacha an Guadalupe ach chaith siad in aer é mar smaoineamh ar an mbonn go mbeadh a leithéid róchostasach. Ní raibh na cáiníocóirí in Kerr County sásta íoc as (ina n-aonar).
Imeachtaí
[cuir in eagar | athraigh foinse]Le moch maidine 4 Iúil a nocht an tubaiste nuair a d’ardaigh an t-uisce in abhainn an Guadalupe ocht méadar taobh istigh d’uair an chloig agus rinne léirscrios ar a raibh ina bhealach.
Buaileadh campa samhraidh Críostaí, Camp Mystic, a raibh cailíní ag freastal ar chúrsa ann. Cailleadh seacht nduine is fiche dá gcampálaithe (cuid acu nach raibh ach ocht mbliana d’aois) agus a "gcomhairleoirí"[7] sa tuile.
Níos déanaí
[cuir in eagar | athraigh foinse]Shínigh an tUachtarán Donald Trump fógra cúnamh tubaiste ar an 6 Iúil ar mhaithe le Kerr County. Rinne sé beag is fiú den amhras a bhí á léiriú gur fhág an sceanairt a bhí déanta ag a réimeas ar sheirbhísí réamhaisnéise aimsire agus ar áisíneachtaí feidearálacha eile a bhain le cúrsaí eolaíochta go raibh an rabhadh tuilte fágtha níos laige.[1] Chuir Trump an milleán ar Joe Biden.
Bhí ceisteanna go leor á gcur faoin rabhadh a tugadh faoi thuilte, agus cé acu an raibh an rabhadh sin sách láidir.
Sa Róimh ar an 6 Iúil, dúirt an Pápa Leon XIV paidreacha do na daoine a bhí faoi bhrón in Texas, ina thír dhúchais.[1]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- 1 2 3 "Campa samhraidh ag caoineadh seacht nduine is fiche a cailleadh i dtuile lár Texas" (ga-IE). Tuairisc.ie (2025-07-07). Dáta rochtana: 2025-07-07.
- ↑ "Managing Floods in Flash Flood Alley - LCRA - Energy, Water, Community" (en-US). LCRA. Dáta rochtana: 2025-07-07.
- ↑ "Flash Flood Alley" (as en) (2025-07-07). Wikipedia.
- ↑ "October 1998 Central Texas floods" (as en) (2025-07-07). Wikipedia.
- ↑ "Flood Event: South Central Texas June 30-July 7, 2002" (en). www.floodsafety.com. Dáta rochtana: 2025-07-07.
- ↑ KSAT NEWSROOM (2025-06-16). "What we know about the devastating San Antonio floods that killed 13 people on June 12" (en). KSAT. Dáta rochtana: 2025-07-07.
- ↑ i mBéarla na S-A, "councillors" nó teagascóirí