Tionscadal Abair Amhrán

Tionscadal Abair Amhrán

Is taispeántas tumtha amhránaíochta é Tionscadal Abair Amhrán (Say a Song Project) le Doireann Ní Ghlacáin.

Feictear ann fuaimdhreach tarraingteach, teilgean dinimiciúil gearrscannáin, agus taispeántais allabhracha ola-ar-chanbhás chun eispéireas ilchéadfach a chruthú, agus tugtar cuireadh don lucht féachana ‘iad féin a thumadh san amhrán’. Deich n-amhrán íocónacha ón traidisiún atá i gceist ann agus maítear go dtugann an taispeántas an lucht féachana ar odaisé mhór ar fud na hÉireann, ag trasnú a tírdhreacha shaibhir chultúrtha agus ag tarraingt faoi seach ó thraidisiúin na Mumhan, Laighean, Chonnacht agus Uladh. Tugtar ann freisin peirspictíochtaí úra ó scríbhneoirí aitheanta ar scéalta eipiciúla na n-amhrán ar an sean-nós, á n-aistriú agus á n-athshamhlú ó Ghaeilge go Béarla do lucht féachana comhaimseartha, ag nascadh an ama atá thart agus an lá atá inniu ann i gceiliúradh bríomhar ar oidhreacht chultúrtha na hÉireann.