Thomas Edison

Ón Vicipéid, an chiclipéid shaor.
Thomas Edison
Thomas Edison2.jpg
Thomas Alva Edison t. 1922
Dáta breithe 11 Feabhra 1847
  Milan, Ohio
Dáta báis 18 Deireadh Fómhair 1931
  West Orange, New Jersey, SAM
Náisiúntacht SAM
Réimsí Áireagáin, gnó
Síniú
Thomas Alva Edison Signature.svg
(en) A Day with Thomas Edison (1922)

Ceapadóir agus fear gnó ab ea Thomas Alva Edison (11 Feabhra 184718 Deireadh Fómhair 1931), a rugadh i Ohio, Stáit Aontaithe Mheiriceá.

D'fhionn sé traschuradóir agus glacadóir don teileagraf uathoibríoch (1871)[1], córas chun 4 theachtaireacht a tharchur go comhuaineach, tarchuradóir carbóin teileafóin, fónagraf rathúil (1877), an chéad lampa gealbhruthach (1879), agus córas iomlán dáilte leictreachais.

D'fhorbair sé an chéad fhearas lárnach chun cumhacht leictreach a ghiniúint is a tharchur go forleathan. D'fhorbair sé batairí, agus d'eagraigh an chéad iarnród leictreach.

Bhí 1,300 paitinn ag Edison.

Aireagáin[athraigh | athraigh vicithéacs]

  • An fónagraf. Edison a thaispeáin an gléas seo i 1877 mar ionstraim deachtaithe don oifig, ach tháinig sé chun foirfeachta mar chóras siamsa baile sa leathchéad bliain ina dhiaidh sin.
  • An micreafón. Shaothraigh Bell is Edison na céad chinn le haghaidh teileafónaíochta
  • Teirmianaic. Thomas Edison a d'fhionn an iarmhairt seo i 1883.
  • D'úsáid Edison stiallacha leanúnacha scannáin fhótagrafaigh ina cheamara Kinetoscope i 1891 , ach ba iad na deartháireacha Lumiere, a theilg íomhánna ar scáileán os comhair lucht mór féachana i 1895, a bhunaigh an tionscal taifeadta scannán is a léirithe i bpictiúrlanna. Ag tosú le cineiteagraf Dickson ó chomhlacht Thomas Edison i 1891 , bunaíodh an scannán 35 mm, pollta ar a fhad chun gurbh fhéidir é a ghluaiseacht ar aghaidh le cromán, oibrithe de láimh ag an gceamaradóir féin,
Thomas Edison, 1878

Oidhreacht[athraigh | athraigh vicithéacs]

Bhí tionchar mór ag Edison ar an eolaíocht i rith an 19ú agus 20ú haois.

  • Leag Alexander Graham Bell síos bunús an teileafóin le glacadóir ionduchtaithe a cheap sé féin chun an fhuaim a chruthú, ceangailte le sreang le tarchuradóir carbóin de chuid Thomas Edison.
  • Thosaigh Arthur Edwin Kennelly ag obair le Thomas Edison sna Stáit Aontaithe i 1887.
  • Ó 1891, thosaigh Henry Ford ag obair do chomhlacht Edison i nDetroit.

Tagairtí[athraigh | athraigh vicithéacs]

  1. Hussey, Matt - Fréamh an Eolais (Coiscéím 2011)