Thomas Byrne (An Mhí Thoir)
Is Teachta Dála de chuid Fhianna Fáil é Thomas Byrne (a rugadh ar 1 Meitheamh 1977). Ceapadh Byrne mar Aire Stáit na Gaeltachta sa bhliain 2024 in áit Patrick O'Donovan.[1] Ar an 29 Eanáir 2025, ceapadh é ina aire stáit do ghnóthaí Eorpacha i Rialtas an 34ú Dáil.
Is cainteoir líofa Gaeilge é agus is minic le Byrne agallaimh i nGaeilge a dhéanamh leis na meáin.
Gairm
[cuir in eagar | athraigh foinse]Teachta Dála don Mhí Thoir is ea Byrne. Toghadh chun na Dála é den chéad uair in 2007. Chaith sé seal mar Sheanadóir idir 2011-2016.
Toghadh é mar Theachta Dála arís in 2016. Fuair sé suíochán breise dá pháirtí an uair sin agus gan san iomaíocht ach é féin d’Fhianna Fáil. Ach in 2020, bhí an Comhairleoir Deirdre Geraghty-Smith (FF), as ceantar Ráth Tó, ar an ticéad leis.[2] Dúirt sé ag an am go dtabharfadh Fianna Fáil faoiseamh cánach do dhaoine atá sna meán-aicmí ioncaim.[3]
Ceapadh Byrne ina Aire Stáit don Spórt sa bhliain 2020. Ansin ceapadh é ina aire stáit do ghnóthaí Eorpacha, post a bhí aige idir 2020-2022.
Bhí folúntas ann sa bhliain 2024 d’Aire Stáit na Gaeltachta tar éis don Taoiseach nua, Simon Harris, ardú céime a thabhairt don Teachta Dála Patrick O’Donovan, a ceapadh ina Aire Ardoideachais. Bhí Byrne ag obair sa Roinn Turasóireachta, Cultúir, Ealaíon, Gaeltachta, Spóirt agus na Meán cheana féin, AGUS ní raibh sé á lua i measc na roghanna don chúram toisc gur Teachta de chuid Fhianna Fáil atá ann. Bhí iontas ann go raibh Simon Harris sásta cúraimí na Gaeltachta a thabhairt do Theachta ó Fhianna Fáil seachas duine óna pháirtí féin a cheapadh.[4]
Ar an 29 Eanáir 2025, ceapadh é ina aire stáit do ghnóthaí Eorpacha aon uair amháin eile. Bhí údar maith díomá ag Byrne nach bhfuair sé ardú céime go dtí bord an rialtais.[5]
Pearsanta
[cuir in eagar | athraigh foinse]In 2005, phós Byrne Ann Hunt, banaltra, agus tá triúr clainne orthu.
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ Nuacht RTÉ (2024-04-10). "Thomas Byrne ó Fhianna Fáil ceaptha mar Aire Stáit na Gaeltachta" (as ga).
- ↑ "TOGHCHÁN 2020: Fine Gael in ann don bhrú sa Mhí Thoir" (ga-IE). Tuairisc.ie (2020-01-31). Dáta rochtana: 2024-04-10.
- ↑ Nuacht RTÉ (2020-01-16). "Dara lá de stocaireacht toghchánaíochta na bpáirtithe" (as ga).
- ↑ Pádraic Ó Ciardha (10 Aibreán 2024). "Thomas Byrne le hainmniú mar Aire Stáit na Gaeltachta" (ga-IE). Tuairisc.ie. Dáta rochtana: 2024-04-10.
- ↑ "An líon is mó airí stáit riamh ceaptha – aireacht na Gaeltachta á coimeád ag Calleary" (ga-IE). Tuairisc.ie (2025-01-29). Dáta rochtana: 2025-01-29.