The Traitors
| Seánra | teilifíse réaltachta |
|---|---|
| Cruthaitheoir | Marc Pos |
| Tír | an Ísiltír |
Sraith teilifíse réaltachta is ea The Traitors nó Na Fealltóirí, de chuid IDTV (All3Media) a tháinig chun cinn sa bhliain 2021 san Ísiltír (mar De Verraders). Is saincheadúnas é. Tá an-tóir air ó 2021 agus leaganacha go leor de ar fud an domhain. Bhain an clár clú agus cáil amach sa Bhreatain, sna Stáit Aontaithe agus i dtíortha eile agus stíl faoi leith ag an saincheadúnas.
Coincheap
[cuir in eagar | athraigh foinse]Faigheann an clár an-inspioráid ó chluichí mar Mafia (Werewolf) le Dimitry Davidoff. Is é an sprioc atá ann ná fáil amach cé hiad na fealltóirí i measc "an lucht dílis" nó na "fíréan". Ag an "gCiorcal Tábla", roghnaíonn an láithreoir cé hiad na fealltóirí — agus athraíonn an líon sin ó shéasúr go séasúr.[1]
Gach oíche, caithfidh na ‘fíréin’ vóta a chaitheamh ar cé a cheapann siad atá ag feall. Caithfidh an t-iomaitheoir a caitheadh amach an fhírinne a nochtadh don ghrúpa: an raibh sé ina fhíréan nó ina fhealltóir? Ag an am céanna, déanann na fealltóirí pleanáil gach oíche le ‘marú’ rúnda a dhéanamh ar fhíréan eile.
Má mhaireann fealltóir go dtí an deireadh, glacann sé nó sí duais airgid. Má aimsítear iad ar fad, roinneann na fíréin atá fágtha an sparán.[1]
RTÉ
[cuir in eagar | athraigh foinse]Craoladh The Traitors ar RTÉ 1 ar an 31 Lúnasa 2025 don chéad uair. Chuir Siobhán McSweeney, a bhain clú agus cáil amach mar an Deirfiúr Michael sa chlár grinn Derry Girls, an seó i láthair. Leanann an lucht féachana grúpa iomaitheoirí (24 iomaitheoir), ar a dtugtar "an lucht dílis" agus iad ag iarraidh a dhéanamh amach cé hiad na "fealltóirí". Bhí ball den Gharda Síochána ina fhealltóir ar an gclár, agus bhí caidreamh rúnda athair-mac ann freisin. Rinneadh an scannánú i gCaisleán Shláine i gContae na Mí agus timpeall air.[2]
Chuir Kevin McGahern clár tacaíochta i láthair ó stiúideo RTÉ i Luimneach, darb ainm The Traitors Uncloaked. Bhí agallaimh le hiomaitheoirí a díbríodh nó a ‘maraíodh’ ann, chomh maith le seatanna nár taispeánadh cheana.[1]
Bhí léirmheasanna den scoth faighte ag séasúr Éireannach den chlár ar RTÉ 1 sa bhliain 2025. Tharraing an clár conspóid chomh maith. Mar shampla, ar an tríú clár de Traitors Ireland, bhí an Garda, Eamon ag caint agus é ag moladh do na fealltóirí eile go ndúnmharófaí Niall, múinteoir óg agus Gaeilgeoir ó Thír Eoghain.[3] Glacadh le fonn le moladh Eamon agus daoradh chun báis ‘our little Gaeilgeoir’, mar a dúirt Eamon. Ach bhí urchóid agus ualach á n-iompar ag an “our little Gaeilgeoir” sin.[4]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- 1 2 3 extrag.ie / Chloe O'Keeffe (2025-08-27). "Traitors Ireland ag teacht le Derry Girl i gceannas" (ga-IE). Dáta rochtana: 2025-09-13.
- ↑ Conradh na Gaeilge, Londain (12 Meán Fómhair 2025). "Nuacht Mhall (Luimneach)" (ga-IE). Apple Podcasts. Dáta rochtana: 2025-09-20.
- ↑ “I think we could do it again, if we take out our little Gaeilgeoir,” arsa Eamon. “We have to be cruel. So slán go fóill” a dúirt sé.
- ↑ Seán Tadhg Ó Gairbhí (4 Meán Fómhair 2025). "Filleann an feall ar an gcainteoir Gaeilge…plean foghlama Heather… ‘The Paper’ chugainn" (ga-IE). Tuairisc.ie. Dáta rochtana: 2025-09-20.