Teach an Phiarsaigh
| Teach an Phiarsaigh | ||||
|---|---|---|---|---|
| ||||
| Sonraí | ||||
| Cineál | Teachín  | |||
| Suíomh geografach | ||||
| Limistéar riaracháin | An Turlach, Éire | |||
| ||||
| Séadchomhartha náisiúnta na hÉireann | ||||
| Aitheantóir | 431 | |||
Tá Teach an Phiarsaigh[1] agus Ionad Cultúrtha an Phiarsaigh lonnaithe i Ros Muc, i gcroílár Ghaeltacht Chonamara. Is san áit seo a thóg Pádraig Mac Piarais teach samhraidh dó féin.[2]
Stair
[cuir in eagar | athraigh foinse]Cheannaigh Mac Piarais an suíomh i 1905 agus tógadh ón talamh aníos an teach i 1907-09. Is cosúil gur scríobh an Piarsach an óráid cháiliúil a thug sé ag uaigh Uí Dhonnabháin Rosa nuair a bhí sé ag caitheamh seal sa teach i Ros Muc. Tá cóip den óráid sa Teach anois agus í scríofa go soiléir i lámhscríbhneoireacht néata sholéite an Phiarsaigh féin. Agus tá sé cinnte de gurb í binn a thí féin a bhí ina intinn agus é ag scríobh ‘Eoghainín na nÉan’. Thugadh sé daltaí ón scoil ar saoire go Ros Muc agus d’fhanaidís i gcampaí beaga os comhair an tí.[3]
Tar éis cur chun báis an Phiarsaigh i 1916, d’fhan an teach ansin agus é i seilbh a mhuintire. Ach tar éis eachtra lámhaigh a tharla sa gceantar le linn Chogadh na Saoirse, tháinig na Dúchrónaigh agus las siad roinnt tithe sa gceantar. Las siad Teach an Phiarsaigh ach toisc gur ballaí cloiche a bhí ann, d’fhan an teach ina sheasamh.
Forbraíodh é i gceart mar ionad turasóireachta le linn 2019-2025. Tógadh ionad oidhreachta taobh leis agus gur forbraíodh é i gceart mar ionad turasóireachta. Is ag an Ionad a thosaíonn duine a chuairt ann anois agus caithfidh an cuairteoir siúl uaidh sin go dtí an teach.[3]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ i mBéarla, Pearse's cottage
- ↑ "Ionad Cultúrtha an Phiarsaigh Conamara - Teach an Phiarsaigh agus Ionad Cuairteoirí | Oidhreacht Éireann" (ga). Ionad Cultúrtha an Phiarsaigh Conamara - Teach an Phiarsaigh agus Ionad Cuairteoirí | Oidhreacht Éireann. Dáta rochtana: 2025-07-01.
- 1 2 Mairéad Ní Nuadháin (27 Meitheamh 2025). "Obair dhraíochta na samhlaíochta i réim i gcónaí i dTeach an Phiarsaigh" (ga-IE). Tuairisc.ie. Dáta rochtana: 2025-07-01.