Séamus Ó Conghaile

Teimpléad:Bosca Sonraí Polaiteoir Ba cheannaire sóisialach Éireannach é Séamas Ó Conghaile (Béarla: James Connolly 5 Meitheamh, 1868 - 12 Bealtaine, 1916) a rugadh i nDún Éideann na hAlban le tuismitheoirí Éireannacha.

Bhunaigh Ó Conghaile an tArm Cathartha i mBaile Átha Cliath i 1913, i rith an Fhrithdhúnadh. Ghlac sé páirt in Éirí Amach na Cásca sa bhliain 1916, agus gortaíodh go dona é.

Dealbh i mBaile Átha Cliath.

Lámhachadh é leis na ceannairí eile i bPríosún Cill Mhaighneann, agus é ina shuí ar chathaoir, é gortaithe chomh holc san Éirí Amach nach raibh sé in ann seasamh.

Luathshaol

Saolaíodh Séamas Ó Conghaile i sluma Éireannach i nDún Éideann thiar sa bhliain 1868. Mac le tuismitheoirí Éireannacha ó Chontae Mhuineacháin a bhí ann, agus chuireadar fuathú i ngeiteo sa chathair a bhí lán le hÉireannaigh eile.

Saothraithe bochta a bhí iontu den chuid ba mhó. Oileadh sa scoil Chaitliceach áitiúil é, go dtí gur ghlac sé post mar shaothraí chomh maith ag deich mbliana d'aois.

Mar thoradh ar an mbochtanas agus an easpa oibre sa cheantar, chláraigh seisean agus a dheartháir ní ba shine John, le hArm na Breataine.

Mioneolas

• Bhí Séamus Ó Conghaile ar dhuine den bheirt cheannairí in Éirí Amach 1916 a raibh an teanga idirnáisiúnta Esperanto acu.
• Sa bhliain 1966, athainmníodh Stáisiún Traenach Amiens Street i mBaile Átha Cliath go dtí "Stáisiún Uí Chonghaile" (Béarla: Dublin Connolly).

Féach ar

• Cartlann le téacsanna Béarla a scríobh Séamas Ó Conghaile