Aigéan

Aigéin an Domhain.

Is achar mór uisce é aigéan. Tugtar 'Muir' ar chuid d'aigéan. Bíonn uisce na n-aigéan ag síor-ghluaiseacht de bharr na feachtaí is an taoidí a iompraíonn uisce na n-aigéan ó áit go háit. Tá sléibhte is gleannta ar ghrinneall na farraige go díreach mar atá ar talamh. Is oileáin iad cuid de na sléibhte mar éiríonn siad chomh hard sin go bhfuil siad le feiceáil os cionn na farraige. Tugtar dromanna aigéin ar na sliabhraonta is trinsí ar na gleannta.

Aigéin an domhain

Cúig aigéan atá ann. Seo iad de réir a méid i milliúin ciliméadar cearnach:

• an tAigéan Ciúin 166,240,000 km²
• an tAigéan Atlantach 86,560,000 km²
• an tAigéan Indiach 73,430,000 km²
• an tAigéan Artach 20,330,000 km²
• an tAigéan Theas 13,220,000 km²

Tá breis is dhá thrian de dhromchla an domhain faoi fharraigí is faoi aigéin. Clúdaíonn an t-aigéan is mó, an tAigéan Ciúin, réimse níos mó den domhan ná na tíortha uile le chéile.