An Afraic

An Afraic

Is ilchríoch mhór í an Afraic. Is í an dara ilchríoch is mó sa domhan, tar éis An Áise. Tá achar de 30,244,050 km2 (11,677,240 mi2) inti, a cuid oileán san áireamh. Clúdaíonn sí 20.3 faoin gcéad den achar iomlán an domhain. Tá thart ar 1.0 billiún daoine agus 54 tír ann. Is ann atá thart ar 15% de dhaonra an domhain. Ó thuaidh agus ó dheas tá aeráid mheánmharach inti, fásaigh ollmhóra taobh ó thuaidh de Thropaic an Phortáin, foraoiseacha báistí timpeall ar an Mheánlíne, agus tailte féaracha eatarthu. Rinne Eorpaigh agus Arabaigh slad ar an Afraic ar feadh na gcéadta bliain agus níor tháinig cuid ar bith di slán ó ionradh sa naoú haois déag agus sa bhfichiú haois.

Creidtear gur tháinig ann don chine daonna timpeall trí mhilliún bliain ó shin agus tá an-éagsúlacht cultúr agus teanga inti.

Tíortha

• an Aetóip
• an Afraic Theas
• an Ailgéir
• Angóla
• Beinin
• an Bhotsuáin
• an Bhurúin
• Buircíne Fasó
• Camarún
• an Chéinia
• An Cósta Eabhair
• Diobúití
• an Éigipt
• An Eiritré
• Gána
• an Ghabúin
• an Ghaimbia
• an Ghuine
• an Ghuine Mheánchriosach
• Guine Bhissau
• Leosóta
• an Libéir
• an Libia
• Madagascar
• Mailí
• Maracó
• an Mhaláiv
• an Mháratáin
• Mósaimbíc
• an Namaib
• an Nigéir
• an Nígir
• Oileán Mhuirís
• Poblacht an Chongó
• Poblacht Dhaonlathach an Chongó
• Poblacht na hAfraice Láir
• Ruanda
• an tSaimbia
• São Tomé agus Príncipe
• Sead
• an tSeineagáil
• na Séiséil
• Siarra Leon
• an tSiombáib
• an tSomáil
• an tSuasalainn
• an tSúdáin
• An tSúdáin Theas
• an Tansáin
• Tóga
• an Túinéis
• Uganda