Alcólachas

Téarma doiléir a chiallaíonn galar do dhaoine áirithe, agus foirm éigin de spleáchas as cuimse ar alcól do dhaoine eile. Uaireanta úsáidtear é go drochmheasúil ar dhaoine a ólann an iomarca. Meastar freisin go mb'fhéidir go dtugann sé le tuiscint go bhfuil déscaradh idir staonadh is ól measartha ar thaobh amháin, agus ól iomarcach gan smacht ar an taobh eile. Tarlaíonn mí-úsáid alcóil i ngach aicme shóisialta ach, de réir dealraimh, bíonn daoine atá ag fulaingt imní nó dúlagair claonta leis an alcól thar aon dream eile. Léiríonn na staitisticí go bhfuil méadú le blianta beaga ar an líon mná tí, daoine óga is daoine as obair a dtuairiscítear a bheith claonta le mí-úsáid alcóil.