Réabhlóid na Rúise 1917

Íomhá:Soviet Union, Lenin (55).jpg

B'é Vlaidímír Léinín a bhí i gceannas ar an bpáirtí Boilséiveach i rith Réabhlóid Dheireadh Fómhair.

Sraith d'eachtraí réabhlóideacha ab ea í Réabhlóid na Rúise 1917 a tharla sa Rúis i rith na bliana 1917. Baineadh an chumhacht den tSár ar dtús, agus cuireadh rialtas sealadach ina áit. Ina dhiaidh sin, d'éirigh na Boilséivigh, agus Vlaidímír Léinín i gceannas orthu, amach i gcoinne an rialtais shealadaigh. I ndiaidh na réabhlóide nua, phléasc cogadh cathartha amach idir na Dearga agus na Bána, agus sa deireadh, tháinig stát nua Cumannach, an tAontas Sóivéadach, ar an bhfód. Mhair an stát seo go dtí an bhliain 1991.

Bhí dhá eachtra ar leith sa réabhlóid:

• Réabhlóid na Feabhra: Réabhlóid ab ea í seo a chuir an Sár Nioclás II as cumhacht. B'eisean Impire deireanach na Rúise. De thoradh na réabhlóide seo, chuaigh rialtas sealadach nua i gceannas ar an tír, agus Alexander Kerensky ar an bpolaiteoir ba thábhachtaí ar feadh leathbhliana.
• Réabhlóid Dheireadh Fómhair: B'iad Léinín, Leon Trotscaí agus an páirti Boilséiveach a chuaigh chun coinnirce ar an rialtas sealadach, agus iad ag tabhairt le fios go raibh siad ag gníomhú ar mhaith leis an lucht oibre. I Moscó agus i gCathair Pheadair a thit na heachtraí ba mhó amach le linn na réabhlóide seo.