Ernest Hemingway

Scríbhneoir, údar agus iriseoir Meiriceánach ab ea é Ernest Miller Hemingway (21 Iúil, 1899 – 2 Iúil, 1961). Ba dhochtúir é a athair agus b'eisean an dara as seisear clainne. Chaith sé a shaol mar ógánach i mbruachbhaile Siceago, Oak Park.

Thosaigh sé ag obair mar iriseoir don Kansas City Star i 1917. An bhliain ina dhiaidh sin chuaigh sé go dtí an Iodáil ag obair mar thiománaí otharchairr an an bhfronta, áit a goineadh go dona é agus fuair sé dhá bhonn mar gheall air. D'fhill sé ar SAM i 1919 agus pósadh é i 1921. D'oibrigh sé mar iriseoir arís in 1922, ag scríobh tuarascálacha ar an gcogadh idir an Ghréig is an Tuirc. Dhá bhliain ina dhiaidh sin d'éirigh sé as an iriseoireacht chun díriú ar an bhficsean. Chuaigh sé go Páras agus bhuail sé lena chairde Meiriceánacha arís, Ezra Pound agus Gertrude Stein. Bhí tionchar an-tábhachtach acu ar a chuid stíle.

Bronnadh an Duais Nobel sa Litríocht air i 1954 tar éis dó The Old Man and the Sea a fhoilsiú dhá bhliain roimhe sin. Chuir sé lámh ina bhás féin i 1961.

Leabhair

Úrscéalta

• (1925) The Torrents of Spring
• (1926) The Sun Also Rises
• (1929) A Farewell to Arms
• (1937) To Have and Have Not
• (1940) For Whom the Bell Tolls
• (1950) Across the River and Into the Trees
• (1952) The Old Man and the Sea
• (1962) Adventures of a Young Man
• (1970) Islands in the Stream
• (1986) The Garden of Eden
• (1999) True at First Light