Stephen Hawking

Is fisiceoir teoiriciúil Briotanach é Stephen William Hawking (rugadh ar an 8 Eanáir sa bhliain 1942 é). Bhain sé clú agus cáil amach i measc na ngnáthléitheoirí lena chuid leabhar faisnéise, go háirithe A Brief History of Time ("Gearrstair an Ama"), ach maidir leis na fisiceoirí eile, aithníonn siad é mar shaineolaí ar na dúphoill. Buaileadh breoite é le parailis thromchúiseach nuair a bhí sé óg, agus chuaigh sé go mór i gcion ar a lán daoine an dóigh ar éirigh leis an ceann is fearr a fháil ar a chruachás le cuidiú na heolaíochta agus na fantaisíochta.