Printéir

Clóire de chuid Hewlett-Packard

Clóire de chuid Canon

Is gléas forimeallach ríomhaireachta é clóire a bhaintear feidhm as le aschur ríomhaire a chlóbhualadh ar ábhair éigin amhail páipéar nó ábhar eile. Trí chnaipe a bhrúigh ar scáileán an ríomhaire, is féidir cáipéis nó comhad a chlóbhualadh go han-tapa ar fad sna clóirí. Bíonn páipéar agus dúch nó tonóir sa chlóire agus clóbhuailtear an cháipéis agus an comhad go tapa. I gclóirí an lae inniu, ní dhéanann an clóire teagmháil dhíreach leis an bpáipéar mar a tharla san am atá thart.

Is féidir le clóire bheith ceangailte le ríomhaire amháin nó líonra de ríomhairí. Bíonn cead ag gach duine sa líonra feidhm a bhaint as an gclóire. Is mar seo a bhíonn sé in oifig de ghnáth. Ní gá don clóire bheith ceangailte le ríomhaire le sreanga. Is féidir le ríomhaire nascadh le clóire trí chóras fo-dhearg nó Bluetooth. Is féidir gach cineál comhad a chlóbhualadh sna clóirí is nua-aimseartha. Is féidir cáipéisí, íomhánna, grianghraif agus taispeántais a chlóbhualadh. Is féidir leo a bheith daite más é sin mian an té a chlóbhuail iad.

Cineálacha clóirí nua-aimseartha

Is iad na príomhchineálacha clóirí atá ar an margadh anois ná:

• Scairdchlóirí
• Clóirí léasair