An difríocht idir athruithe ar: "Grigoriy Rasputin"
m r2.6.4) (róbat ag mionathrú: mr:रासपुतीन |
m r2.7.2) (róbat ag suimiú: is:Raspútín |
||
| Líne 45: | Líne 45: | ||
[[id:Grigori Rasputin]] |
[[id:Grigori Rasputin]] |
||
[[io:Grigori Rasputin]] |
[[io:Grigori Rasputin]] |
||
[[is:Raspútín]] |
|||
[[it:Grigorij Efimovič Rasputin]] |
[[it:Grigorij Efimovič Rasputin]] |
||
[[ja:グリゴリー・ラスプーチン]] |
[[ja:グリゴリー・ラスプーチン]] |
||
Leagan ó 08:20, 19 Aibreán 2012
Bráthair siúil ab ea Grigoriy Yefimovich Rasputin a bhí ina chomhairleoir ag impire deireanach na Rúise, Nioclás a Dó. Rugadh Rasputin ar an 22 Eanáir 1869 (ar an 10 Eanáir, de réir Fhéilire Iúil, a bhí in úsáid sa Rúis san am) i bPokrovskoye, cúige Tyumen, sa tSibéir, agus dúnmharaíodh é i gCathair Pheadair ar an 29 Nollaig 1916.
Bíonn finscéalta éagsúla á n-insint faoi Rasputin agus faoin tionchar a bhí aige ar Nioclás agus ar a chúirt. Deirtear, mar shampla, gur cluanaí cealgach a bhí ann nach bhféadfadh aon bhean cur in aghaidh na draíochta a bhí ann. De réir leagan eile, áfach, ní raibh ann ach druncaeir bocht a bhí ag dul ar an drabhlás le caoinchead an tSáir. Deirtear freisin gur lia sí a bhí ann agus é ábalta maolú ar an haemaifilia a bhí ag luí ar Alexey, oidhre an Impire, agus gurbh é sin ba chúis leis an tionchar a bhí aige ar an Impire.
Sloinne coitianta é Rasputin sa Rúis, go háirithe sa tSibéir, agus is dealraitheach nach bhfuil gaol ar bith ag an scríbhneoir Valentin Rasputin leis an mbráthair siúil.
Go dtí le déanaí, chreidtí gurbh é an Prionsa Feliks Yusupov a mharaigh Rasputin i gcomhcheilg le dornán comhchoirithe. Fear uasal Rúiseach a bhí ann agus é míshásta leis an tionchar a bhí ag leithéid Rasputin ar an Impire agus ar a bhean chéile ach go háirithe. I ndiaidh bhás Rasputin, bhí Yusupov agus a chuid comhchoirithe ag cumadh scéalta aiféiseacha faoi chomh deacair is a fuair siad an bráthair siúil a mharú, agus iad ag iarraidh é a nimhiú le ciainíd, é a lámhach le piostail agus é a chnagadh le smachtíní, go dtí gur chinn siad é a bhá in Abhainn Moika, ceann de na haibhneacha atá ag sní trí Chathair Pheadair. De réir na fianaise atá ann inniu, áfach, ba é an Leifteanant Oswald Rayner, spiaire Sasanach a raibh aithne aige ar Yusupov, a scaoil an t-urchar a bhuail éadan Rasputin agus a mharaigh ar an toirt é.
