Insecta

Feithidí
Íomhá:Dragonfly crop 2.jpg Snáthaid mhór
Aicmiú Eolaíoch
Dóméin: Eukaryota Ríocht: Animalia Fíleam: Arthropoda Rang: Insecta

Is dúile beo iad na feithidí i ríocht na n-ainmhí. Bíonn sciatháin ar a bhformhór, agus eiseachnámharlach, is é sin go mbíonn sliogán crua ar an taobh amuigh seachas cnámha inmheánacha mar a bhíonn ag mamaigh agus éin. Bíon trí chuid sa cholainn, an ceann le péire adhaircíní, an tóracs a bhfuil trí phéire cos air, agus an abdóman.

Meastar go bhfuil 1 000 000 speiceas ar a laghad ann nó fiú suas le 10 000 000. Is iad na ciaróga na feithidí is coitianta agus is forleithne ar domhan, an ceathrú cuid de speicis bheo an domhain ar fad. Is beag cineál a mhaireann sa bhfarraige ach tá siad beagnach gach áit eile. Bíonn a lán acu níos lú ná 1 miliméadar ar fhad. Bíonn siad uafásach líonmhar: Thomhais saineolaí sa Bhreatain go raibh 400 milliún feithidí ina gcónaí ar acra amháin talún in aice le Cambridge i 1943.