Leonardo da Vinci

Leonardo da Vinci
Portráid féin ar chailc dearg timpeall 1512 go 1515.
Ainm Breithe	Leonardo di Ser Piero
Breith	15 Aibreán, 1452 Vinci, Flórans, an Iodáil
Bás	2 Bealtaine, 1519 Amboise, Indre-et-Loire, an Fhrainc
Náisiúntacht	Iodálach
Gluaiseacht	An tArd-Renaissance
Saothair	Mona Lisa, An Suipéir Déanach, Uomo vitruviano
Síniú

Ileolaí Iodálach ab ea Leonardo di ser Piero da Vinci (15 Aibreán, 1452 – 2 Bealtaine, 1519), a bhí ina eolaí, matamaiticeoir, innealtóir, cumadóir, eolaí anatamaíochta, péintéir, dealbhóir, ailtire, luibheolaí, ceoltóir agus scríbhneoir.

Mac dlíodóra, rugadh é i gceantar Vinci i bhFlórans i 1452. Rinne sé staidéar ar an ealaín don chead uair faoi Verrochio, agus thosaigh é mar ealaíontóir neamhspleách i 1477. Bíodh nach raibh a shaothar ealaíonta chomh líonmhar san bhain sé clú domhanda amach mar sin féin. Ar a shaothair is mó clú tá ‘An Suipéar Déanach’ agus ‘An Mona Lisa’.

Chuir da Vinci i gcuntas a shaothar taighde — i leabhair nóta, a bhí lán de nótaí inspéise agus de léaráidí gléineacha, a bhí scríofa ón dtaobh dheas go dtí an taobh chlé i scríbhinn léargais. Bhí anatamaíocht an choirp, fás an linbh sa bhroinn, dlíthe tonn agus sruth, dlíthe eitilte, geolaíocht, fisic agus réalteolaíocht ar ábhair léinn an fhir iontach seo. Cheap sé paraisiút, inneall eitilte, agus fomhuireán chomh maith.