An Cheathrú Rua

Sráidbhaile mór is ea í An Cheathrú Rua (Carraroe as Béarla go traidisiúnta) atá suite i gContae na Gaillimhe, Éire. Tá sí i lár Ghaeltacht Chonamara. Tá tarraingt ar an gCeathrú Rua mar cheantar turasóireachta le fada an lá. Tá clú agus cáil ar Húicéirí na Gaillimhe agus ar Thrá an Doilín. Tagann formhór na dturasóirí chuig an gceantar chun iad a fheicáil agus Gaeilge a fhoghlaim. Tagann go leor eile chun blaiseadh den chultúr agus traidisiún láidir atá ar fud na háite. I rith an tsamhraidh cuirtear ranganna Gaeilge ar fáil do dhaoine fásta. Is ar an gCeathrú Rua atá Coláiste Chiaráin suite, agus na mílte scolairí óga ag teacht ansin gach uile bhlian chun freastal ar na cúrsaí Gaeilge. Bíonn geallta báid agus rásaí curach ar an mbaile freisin.

Teanga na Gaeilge

Is í an Ghaeilge (Canúint Chonnachta go sainiúil) príomhteanga labhartha na Ceathrún Rua, agus tá sí ar na háiteanna is láidre Gaeilge i nGaeltacht Chonnachta agus in Éirinn na laethanta seo. Tá thart ar 3,400 duine ina gcónaí sa sráidbhaile agus labhraíonn thart ar 85% acu Gaeilge go laethúil, de réir fhigiúirí Scéim Labhairt na Gaeilge.

Áras Mháirtín Uí Chadhain

Tá Áras Mháirtín Uí Chadhain, foirgneamh de chuid Ollscoil na hÉireann, Gaillimh, ina reachtáltar cúrsaí teanga, ríomhaireachta, srl., lonnaithe ar an gCeathrú Rua.

Gnáth Radharc sa Cheathrú Rua