Liam Ó Flaithearta

Scríbhneoir ab ea Liam Ó Flaitheartaigh. Rugadh ar an 28ú de Lúnasa 1896 é agus cailleadh ar an 7ú de Mheán Fómhair, 1984 é). Ba i mBéarla a scríobh sé formhór dá shaothar, ach d'fhoilsigh sé leabhar gearrscéalta, Dúil mar aon le roinnt dánta ó am go chéile as Gaeilge. Tugtar Liam Ó Flaithearta, nó Liam O'Flaherty as Béarla, air freisin. Ba scríobhneoir freisin é Tom O'Flaherty, deartháir leis.

Rugadh i nGort na gCapall in oileáin Árann Ó Flaithearta. Chuaigh sé ar an meánscoil i gColáiste Rockwell i gContae Thiobraid Árann, agus as sin go Coláiste na hOllscoile, Baile Átha Cliath. Ach níor lean sé i bhfad ann. Chuaigh sé in arm Shasana sa Chéad Chogadh Domhanda, ach cuireadh as an líne é mar go raibh 'shell shock' air. Rinne sé roinnt mhaith taistil ar an mór roinn ina dhiaidh sin. Níos deireanaí, bhí sé ceangailte le cumannachas, agus bhí páirt aige in éirí amach sóisialach sa Rotunda i mBaile Átha Cliath, nár mhair ach lá nó dhó. Chuaigh sé go Stáit Aontaithe Mheiriceá freisin, áit ar mhol a dheartháir, Tom, dó dul ag scríobh, i dtús báire do iris Cumannach a bhí a chur in eagar aige féin.

Bhain sé an-cháil amach ó na fichidí anonn mar scríbhneoir ghearrscéalta agus úrscéalta. Scríobh sé roinnt filíochta freisin. I measc a chuid úrscéalta, tá Famine, The Black Soul, Return of the Brute, The Informer, The Assassin, The Martyr, Land, The Pilgrim, Insurrection, The Wilderness, Thy Neighbour's Wife, Mr Gilhooley, agus Skerritt. Cuireadh trí leabhar beatháisnéise leis i gcló, I went to Russia, Two Years of my Life, agus b'fhéidir an ceann is suimiúla acu, Shame the Devil. I measc a leabhair gearrscéalta, tá Spring Sowing, Two Lovely Beasts agus cnuasaigh éagsúla eile, maraon le ceann amháin Gaeilge, Dúil.Scríobh sé an dán 'Na Blátha Craige' ina léiríonn sé a ghrá don dúlra,ag úsáid íomhanna ón nádúr in Arainn. Fásann na blátha craige, bláthanna beaga bán-dearg ar thalamh/charraigeacha aolchloiche.