Liverpool Football Club

Teimpléad:Club peile bosca eolais Club sacair Sasanach is ea Liverpool Football Club (Club Peile Learphoill as Gaeilge) atá suite i Learpholl.

Stair Liverpool

Bhunaigh fear darbh ainm John Houlding Liverpool F.C. sa mbliain 1892. Bhí an t-uasal Houlding mar thiarna talún ar pháirc peile Anfield agus is ann a bhíodh Club Sacar Everton ag imirt a gcluichí baile go dtí sin. Ach tar éis aighneas a bheith ag an uasal Houlding le Club Sacar Everton, d’fhág an club a n-áit thraenála agus chuaigh siad ag imirt trasna an bhóthair i bPáirc Goodison.

Nuair a d’fhág club sacair Everton Anfield, bhunaigh Houlding Liverpool F.C. chun a n-áit a thógáil in Anfield. Is sa staid seo i lár Learphoill go bhfuil an club fós lonnaithe agus ag imirt sa Premier League.

Chuir an t-uasal Houlding go-leor oibre agus airgead isteach i mbunú an chlub. Tar éis a mbunú, níor thóg sé i bhfad ar an gclub a marc a fhágáil – bhuaigh siad chúig shraith shacar Shasana idir 1900 agus 1947. Ach i 1954 cuireadh siar an club go Roinn 2. Ach idir an bheirt bhainisteoirí cáiliúla ón Albain Bill Shankly agus Bob Paisley, á mbainistiú ó 1959 go 1983, chuir siad an club ar ais ar an bhfód.

Ba bhainisteoir inspioráideach é Bill Shankly agus rinne sé cinnte gur tháinig an club ar ais aníos sa bpríomhroinn sa bhliain 1961. Tá clú agus cáil fós ar an meoin agus ar an bhfealsúnacht a bhí ag Shankly. Ina dhiaidh sin agus ó shin amach, bhuaigh siad corn i ndiaidh coirn, ina measc 5 chorn na hEorpa. Tá ocht gcorn déag i sraith shacair Shasana buaite ag an gclub – curiarracht go dtí an lá atá inniu ann agus tá muintir Learphoill an-bhródúil gur ag a gclub baile atá an curiarracht seo.

Ach bhuail dhá thubaiste thragóideach an club sna hochtóidí – tragóid Heysel i mí na Bealtaine 1985 agus tragóid Hillsborough i mí Aibreáin 1989.

Bhí na 1990idí an-chiúin don gclub agus tháinig roinnt athruithe ar an struchtúr agus tháinig bainisteoirí nua isteach. Níor bhuaigh an club ach dhá chorn sna 1990idí – Corn FA Shasana i 1992 agus Corn na Sraithe i 1995.

Ach nuair a thóg an Francach Gerard Houllier ceannasaíocht orthu mar bhainisteoir tháinig feabhas agus forbairt ar an imirt athuair agus thug sé spreagadh agus misneach do na himreoirí agus lucht tacaíochta an chlub. Sa mbliain 2001, bhuaigh foireann Houllier chúig chorn agus bhí na “glory days” ar ais in Anfield agus i Learpholl.

Le curiarracht 18 sraith Shasana agus cúig Chorn Sacair na hEorpa buaite ag an gclub, bíonn Liverpool i gcónaí san iomaíocht le haghaidh coirn agus duaiseanna.

Bhí dlúth-bhaint ag na Ceiltigh – Éireannaigh, Albanaigh agus imreoirí na Breataine Bige leis an gclub i gcónaí. Tá clú agus cáil ar an seastán atá taobh thiar de cheann de na cúil in Anfield – An Kop – atá ainmnithe i ndiaidh chnoic san Afraic ina raibh [[Dara Cogadh na mBórach] ann i 1914.

Níor bhuaigh Liverpool Sraith Shasana ó séasúr 1989-90 agus síleann lucht tacaíochta an chlub go bhfuil sé in am ag an mbainisteoir agus na himreoirí é seo a chur ina ceart.

I mí na Bealtaine 2005, bhuaigh Liverpool Corn na hEorpa don chúigiú uaire. Ciallaíonn sé seo go gcoinníonn siad an Corn agus tá sé le feiceáil inniu in iarsmalann an chlub.

Tá croí, anam agus spiorad sa gclub seo agus is minic a chloistear mana an chlub You’ll Never Walk Alone á chasadh le creideamh agus dúthracht atá deacair le sárú.

Imreoirí don séasúr 2008/09

2 Andrea Dossena 4 Sami Hyypiä 5 Daniel Agger 7 Robbie Keane 8 Steven Gerrard (captaen) 9 Fernando Torres 11 Yossi Benayoun 12 Fábio Aurélio 14 Xabi Alonso 16 Jermaine Pennant 17 Alvaro Arbeloa 18 Dirk Kuyt 19 Ryan Babel 20 Javier Mascherano

21 Lucas Leiva 23 Jamie Carragher 25 José Reina 26 Paul Anderson 29 Gabriel Paletta 30 Charles Itandje 33 Sebastian Leto 36 Adam Hammill 37 Lee Peltier 38 Craig Lindfield 39 Stephen Darby 44 Robbie Threlfall 46 Jack Hobbs 48 Emiliano Insua

Foireann bhainistíochta don séasúr 2008/09

• Rafael Benitez - Bainisteoir
• Sammy Lee - Leasbhainisteoir
• Alex Miller - Traenáilí
• Gary Ablett - Traenáilí na foirne ionadaí
• Xavi Valero - Traenáilí an chúl báire
• Hughie McAuley - Traenáilí na foirne ionadaí

Onóracha

• 1901: Craobhchomórtas Sraithe Peile (bainisteoir: T. Watson)

• 1906: Craobhchomórtas Sraithe Peile (bainisteoir: T. Watson)

• 1922: Craobhchomórtas Sraithe Peile (bainisteoir: D. Ashworth)

• 1923: Craobhchomórtas Sraithe Peile (bainisteoir: M. McQueen)

• 1947: Craobhchomórtas Sraithe Peile (bainisteoir: G. Kay)

• 1964: Craobhchomórtas Sraithe Peile (bainisteoir: B. Shankly)

• 1965: Corn FA (bainisteoir: B. Shankly)

• 1966: Craobhchomórtas Sraithe Peile (bainisteoir: B. Shankly)

• 1973: Corn UEFA , Craobhchomórtas Sraithe Peile(bainisteoir: B. Shankly)

• 1974: Corn FA (bainisteoir: B. Shankly)

• 1976: Corn UEFA, Football League Championship (bainisteoir: B. Paisley)

• 1977: Corn Eorpa UEFA, Football League Championship (bainisteoir: B. Paisley)

• 1978: Corn Eorpa UEFA (bainisteoir: B. Paisley)

• 1979: Craobhchomórtas Sraithe Peile (bainisteoir: B. Paisley)

• 1980: Craobhchomórtas Sraithe Peile (bainisteoir: B. Paisley)

• 1981: Corn Eorpa UEFA, Corn Sraithe Peile (bainisteoir: B. Paisley)

• 1982: Craobhchomórtas Sraithe Peile, Corn Sraithe Peile (bainisteoir: B. Paisley)

• 1983: Craobhchomórtas Sraithe Peile, Corn Sraithe Peile (bainisteoir: B. Paisley)

• 1984: Corn Eorpa UEFA, Craobhchomórtas Sraithe Peile, Corn Sraithe Peile (bainisteoir: J. Fagan)

• 1986: Craobhchomórtas Sraithe Peile, FA Cup (bainisteoir: K. Dalglish)

• 1988: Craobhchomórtas Sraithe Peile (bainisteoir: K. Dalglish)

• 1989: Corn FA (bainisteoir: K. Dalglish)

• 1990: Craobhchomórtas Sraithe Peile (bainisteoir: K. Dalglish)

• 1992: Corn FA (bainisteoir: Souness)

• 1995: Corn Sraithe Peile(bainisteoir: R. Evans)

• 2001: Corn UEFA ,Corn FA , Corn Sraithe Peile (bainisteoir: G. Houllier)

• 2003: Corn Sraithe Peile (bainisteoir: G. Houllier)

• 2005: UEFA Champions League (bainisteoir: R. Benitez)

• 2006: Corn FA (bainisteoir: R. Benitez)

Foinsí: Suíomh oifigiúl Liverpool, www.liverpoolfc.tv

Staitisticí ó chluichí de chuid an chlub

• 'Sé Sraith Lancashire an chéad chluiche comórtais inar ghlac Liverpool páirt i gcoinne Higher Walton. Bhuaigh siad an cluiche 8-0. Ní raibh imreoir Sasanach ar bith ag imirt leo.

• Corn FA céad iarracht: Meán Fómhair 1892 4-0 v Nantwich

• Sraith céad iarracht: 2-0 v Middlesbrough Ironopolis F.C. ar an 2 Meán Fómhair 1893 (Roinn 2)

• Céad Urraim: Seaimpíní Roinn 2 i séasúr 1893/94

• Chaill Liverpool i gcoinne Blackburn Rovers F.C. 1-0 ar 5 Meán Fómhair 1896. Níor ceadaíodh sé chúl le linn an chluiche.

• Nollaig 1909 Newcastle United chun tosaigh 5-2 ag Anfield, ach sháraigh fir na léinte dearga iad ag an deireadh leis an mbua 6-5.

• I 1910 bhuaigh Liverpool an chéad chluiche ag Old Trafford leis an scór 4-3 i gcoinne Manchester United.

• Buille is mó: 0-8 v Huddersfield i 1935 agus 1-9 Birmingham City F.C. ar an 11 Nollaig 1954 i Roinn 2 sa Sraith Pheile.

• Is ag Roger Hunt atá an líon is mó cúil d'aon séasúr amháin - d'aimsigh sé 41 chúl i séasúr 1961/62.

• Céad Chluiche Eorpach: Lúnasa 17 1964 d'imir siad i gcoinne KR Reykjavik, An Íoslainn, do Chorn na hEorpa, agus bhí an bua acu 5-0 as baile.

• Níor úsáideadh ach 14 imreoir de chuid na céad foirne sa séasúr 1965/66, nuair a d'éirigh le Liverpool an Sraith a bhuachaint.

• Bua is mó: 11-0 v Strømsgodset I.F. ar an 17 Meán Fómhair 1974.

• Is ag Ian Rush atá an churiarracht don mhéid is mó cúil sna comórtais uilig in aon séasúr amháin i gClub Sacair Learphoill - d'aimsigh sé 47 chúil i séasúr 1983/84.

• Bua sraithe is mó: 9-0 v Crystal Palace F.C. ar an 12 Meán Fómhair 1989.

• Níor eirí ach le ceathrar 5 chúl a scóráil in aon chluiche amháin. 'Siad sin:
  • Andy McGuigan, 1901/02
  • John Evans, 1954/55
  • Ian Rush, 1983/84
  • Robbie Fowler, 1993/94

• Líon is mó tréchleas le linn a chuid imeartha: Gordon Hodgson 17 (1926-36)

• Tréchleas - trí i ndiaidh a chéile: Jack Balmer 1946-7 (na cinn amháin a fuair sé)

• Tréchleas is sciopthaí sa Premier League: Robbie Fowler vs Arsenal F.C. 1994-5, 4 nóiméad, 32 soicind

• D'aimsigh Xabi Alonso an cúl is faide do Learpholl, 65 slat ón chúl

Tuilleadh eolais Liverpool F.C. - Statistics

Pointí Spéisiúla

1978:

• Bua ag an mBreatain Bheag sa Grand Slam sa Rugbaí
• Cailleadh an Pápa (Beannacht Dé lena anam)
• Chaill Liverpool i gCraobh Corn na Sraithe i gcoinne na Seaimpíní iarmhartacha [Forest]
• Ghnóthaigh Liverpool Corn na hEorpa

1981

• Phós Prince Charles .
• Phós Ken agus Deidre i Corrie.
• Tháinig Doctor Who nua ar an aer.
• Ghnóthaigh Liverpool Corn na hEorpa

2005

• Bua ag an mBreatain Bheag sa Grand Slam sa Rugbaí
• Cailleadh an Pápa (Beannacht Dé lena anam)
• Chaill Liverpool i gCraobh Corn na Sraithe i gcoinne na Seaimpíní iarmhartacha [Chelsea]
• Phós Prince Charles
• Phós Ken agus Deidre i Corrie.
• Ghnóthaigh Liverpool Corn na hEorpa

• Chaith Liverpool léinte dearga chuile uair ar éirí leo Corn na hEorpa a bhaint amach i gcoinne foirne a chaith léinte bána!

Foinse eolais:uk.sport.football.clubs.liverpool

Imreoirí cáiliúla

1892 to 1959: Alan A'Court Matt Busby Sam Hardy Gordon Hodgson Billy Liddell Jimmy Melia Bob Paisley Alex Raisbeck Elisha Scott Cyril Sidlow Albert Stubbins 1960 go 1990 Gary Ablett John Aldridge John Barnes Peter Beardsley Jim Beglin David Burrows Gerry Byrne Ian Callaghan Jimmy Case Ray Clemence

Peter Cormack Kenny Dalglish Alun Evans Roy Evans David Fairclough Howard Gayle Gary Gillespie Bruce Grobbelaar Alan Hansen Steve Heighway David Hodgson Emlyn Hughes Roger Hunt David Johnson Craig Johnston Kevin Keegan Alan Kennedy Ray Kennedy Chris Lawler Tommy Lawrence Mark Lawrenson Alec Lindsay Larry Lloyd Kevin MacDonald Mike Marsh Terry McDermott Steve McMahon

Jan Mølby Ronnie Moran Phil Neal Steve Nicol Michael Robinson Ronnie Rosenthal Ian Rush Ian St. John Tommy Smith Graeme Souness Nigel Spackman Steve Staunton Peter Thompson John Toshack Barry Venison Paul Walsh John Wark Ronnie Whelan Ron Yeats

1990 go dtí an lae inniu Xabi Alonso Milan Baros Stig Inge Bjørnebye Jamie Carragher Steve Finnan Robbie Fowler Luis García Steven Gerrard Sami Hyypia Paul Ince David James Rob Jones Oyvind Leonhardsen Jari Litmanen Jason McAteer Gary McAllister Steve McManaman Fernando Morientes Michael Owen Jamie Redknapp John Arne Riise Vladimír Šmicer Michael Thomas

Sander Westerveld Mark Wright Abel Xavier

Foinse eolais: Wikipedia Liverpool Football Club (English)

Taispeántas sa Premier League

Séasúr	Pointí Bainte Amach	Áit
2004/05	58	5ú
2003/04	60	4ú
2002/03	64	5ú
2001/02	80	2ra
2000/01	69	3ú
1999/2000	67	4ú
1998/99	54	7ú
1997/98	65	3ú
1996/97	68	4ú
1995/96	71	3ú
1994/95	74	4ú
1993/94	60	8ú
1992/93	59	6ú

Naisc sheachtracha

• Suíomh Oifigiúil an Chlub - nuacht ón gClub agus é ag tarlú (as Béarla)
• Suíomh le heolas maidir leis an gClub - nuacht ón gClub (as Béarla)