An difríocht idir athruithe ar: "Batman"

Ón Vicipéid, an chiclipéid shaor.
Content deleted Content added
m róbat ag mionathrú: fa:بتمن
m róbat ag suimiú: sh:Batman
Líne 59: Líne 59:
[[ru:Бэтмен]]
[[ru:Бэтмен]]
[[sc:Batman]]
[[sc:Batman]]
[[sh:Batman]]
[[simple:Batman]]
[[simple:Batman]]
[[sk:Batman (komiks)]]
[[sk:Batman (komiks)]]

Leagan ó 16:52, 3 Márta 2010

Carachtar ficseanúil é Batman a chonacthas an chéad uair sna coimicí ar an iris Detective Comics i mí na Bealtaine 1939. B'iad Bob Kane agus Bill Finger a chéadcheap an laoch seo, ach is nós gan ach Kane a lua, ós rud é gurbh eisean a tharraing é.

Is é an fíorainm atá air ná Bruce Wayne. Gróintín saibhir é a bhfuil cónaí air i Mainéar Wayne, ar mainteach é i gCathair Gotham, cathair shamhailteach agus í múnlaithe ar chathair Nua-Eabhraic ó thaobh na staire de, cé go bhfuil an t-atmaisféar níos duairce i nGotham. Cuidíonn a chara is a leathbhádóir, Robin, leis, chomh maith lena ghiolla Alfred Pennyworth. Is é cúlra an scéil gur mharaigh coirpeach tuismitheoirí Bruce Wayne os comhair a shúl nuair a bhí sé ina bhuachaill óg, agus gur chinn sé ansin a shaol a thiomnú don troid in aghaidh na gcoirpeach.

Íomhá:Batmobile - Covent Garden 002.jpg
An Batmobile, nó an Bat-ghluaisteán, ón scannán Batman Begins

Níl cumhachtaí neamhshaolta ag Batman mar a bhíonn ag an gcuid is mó de laochra osdaonna na gcoimicí Meiriceánacha, cosúil le Superman. Mar sin féin, fear an-láidir, an-chliste, an-aclaí atá ann. Caitheann sé púicín dubh a chuirfeadh Zorro i gcuimhne duit, chomh maith le culaith dhubh agus liath (an Batsuit) agus crios uirlisí. Tá gluaisteán speisialta aige chomh maith, an Batmobile, agus é á coinneáil i bhfolach sa Batcave, seomra rúnda faoi Mhainéar Wayne.

Tá cuid mhaith naimhde ag Batman, agus iad níos cumhachtaí ná a chéile. Ina measc tá Joker, Catwoman, Penguin, Two-Face, Riddler, Scarecrow, Mister Freeze, Poison Ivy, Ra's Al Ghul, agus Ban.

Is iomaí scéal coimicí, scannán agus sraith teilifíse a rinneadh faoi Batman. Tháinig an scannán is déanaí, Batman Begins, ar an scáileán sa bhliain 2005. Sa scannán seo, is é Scarecrow an namhaid, agus é ina chógaseolaí sa ghnáthshaol. Shaothraigh an scannán 72.9 milliún dollar do lucht a dhéanta. Seolfar an chéad scannán eile faoi Batman, The Dark Knight, i Mí Iúil den bhliain 2008, agus is é Joker a bheidh ina namhaid ar an gceann seo. Iar-innealtóir é Joker a thit isteach i ndabhach cheimiceach. B'é Heath Ledger a rinne an pháirt seo, ach ní raibh sé daite dó an scannán a fheiceáil ar an scáileán, ó fuair sé bás le ródháileog drugaí in Eanáir 2008.

Teimpléad:Nasc AR