Fóinéim

Séard is fóinéim ann ná grúpa fuaimeanna a gcloiseann an t-éisteoir mar an gcéanna iad.

Mar shampla sa Ghaeilge: Cé gur fuaimeanna nó allafóin difriúla iad [tʲ] agus [ʧ], cloistear mar an fhóinéim chéanna iad. Is é sin, is féidir ceachtar den dhá cheann a úsáid ag aon am, agus ní athraítear brí an fhocail.

Go praiticiúil, áfach, is minic a bhíonn sé ag brath ar áit na fóinéime san fhocal, cé acu allafón a úsáidtear. Ansin, bheadh an focal intuigthe dá mbainfí leas as an allafón "mícheart", ach bheadh sé níos deacra le fuaimniú, nó ní bheadh blas nádúrtha, dúchasach na teanga air.