Sléacht Loch an Oileáin
| ||||
| ||||
| Cineál | eirleach  | |||
|---|---|---|---|---|
| Dáta na bliana | 18 Meitheamh 1994 | |||
| Suíomh | Loch an Oileáin, Northern Ireland | |||
| Tír | Tuaisceart Éireann | |||
Tharla sléacht seicteach in O'Toole's, teach tábhairne i Loch an Oileáin ar 18 Meitheamh 1994 le linn na dTrioblóidí. Maraíodh seisear Caitliceach, a bhí ag breathnú ar fhoireann sacair na hÉireann in aghaidh na hIodáile, i gCorn Sacair an Domhain 1994. Ionsaí seicteach ab ea é a bhí furasta a dhéanamh in áit iargúlta ina raibh scata bailithe.[1]
Imeachtaí[cuir in eagar | athraigh foinse]
Síníodh Dearbhú Shráid Downing ar 15 Nollaig 1993.
Ach bhí feachtas seicteach ag dul ar aghaidh in éadan Chaitlicigh an tuaiscirt ag an am. Agus ar an 16 Meitheamh 1994, go gairid roimh sos cogaidh an IRA ar 31 Lúnasa 1994, lámhach Arm Náisiúnta Fuascailte na hÉireann (an tINLA) triúr ball d'Óglaigh Uladh i mBóthar na Seanchille. B'é an díoltas a d'agair na Dílseoirí ná gur bhuail siad isteach i dteach tábhairne i Loch an Oileáin i gContae an Dúin le cith urchar a scaoileadh ina thimpeall. Maraíodh seisear sibhialtach.[2]
Cor in aghaidh an chaim, feallmharaíodh Joe Bratty (ceannaire UFF) agus daoine eile le linn an tsamhraidh.
Bhí an próiseas síochána ag an am sin i gcontúirt dá bharr; d'fhéadfadh próiseas na síochána titim as a chéile go furasta ag an bpointe sin. Ach d'fhógair an IRA sos cogaidh ar 31 Lúnasa 1994.
Fiosrúchán[cuir in eagar | athraigh foinse]
Níor ciontaíodh éinne as an ionsaí. Níos measa, tá líomhaintí ann maidir le claonpháirteachas le paraimíleataigh
D'fhoilsigh an tOmbudsman (Fear an Phobail) i dTuaisceart Éireann tuarascáil in 2016, a chinn go raibh easnaimh thubaisteacha ar an bhfiosrú agus go raibh claonpháirteachas idir an RUC agus an UVF. Cheil an Brainse Speisialta faisnéis ar aonaid eile sna póilíní, agus bhí an fiosrú siléigeach, mí-éifeachtach agus ar nós cuma liom. Mar shampla, scriosadh gluaisteán na bhfear gunna in ionad é a chaomhnú mar fhianaise.[3]
Dar le tuairisc.ie, tá sé deacair éirim a bhaint as iompar an PSNI fiú ó shin.
Féach freisin[cuir in eagar | athraigh foinse]
- Joe Bratty
- "No Stone Unturned" ina iomlán.[4][5]
Tagairtí[cuir in eagar | athraigh foinse]
- ↑ Póilín Ní Chiaráin. "Beirt iriseoirí seachas an dream faoi ndeara sléacht Loch an Oileáin atá ag déanamh imní don PSNI…" (ga-IE). Tuairisc.ie. Dáta rochtana: 2020-06-18.
- ↑ "CAIN: Sutton Index of Deaths 1994". cain.ulster.ac.uk. Dáta rochtana: 2023-04-10.
- ↑ Youtube. ""No Stone Unturned" (tréiléar den scannán0". Dáta rochtana: 2020.
- ↑ Alex Gibney (2017). "No stone unturned" (en). ar Vimeo. Dáta rochtana: 2020-06-18.
- ↑ IMDB (2017). "No Stone Unturned".