Skeealaght

*Skeealaght*
Cárta innéacs
Teanga	Gaeilge Mhanann
Foilseachán	Manainn, 1976
Foilsitheoir	Yn Cheshaght Ghailckagh [gv]

Is bailiúchán é Skeealaght (Gaeilge: Scéalaíocht^[1]) de ghearrscéalta agus béaloidis ó Oileán Mhanainn.^[2]^[3] Bailiúchán ilchineálach atá ann, lena n-áirítear scéalta grinn, scéalta taibhsí, scéalta faoin “mooinjer-veggey” (na daoine beaga), agus eolas faoi stair agus faoi chultúr an oileáin. Yn Cheshaght Ghailckagh [gv] a d'fhoilsigh.^[3]

Bailíodh na scéalta ó na cainteoirí Manainnise Lewis y Crellin, Juan y Crellin, Colin y Jerree agus Shorus u Creayrie sna seachtóidí. Tá breis agus 70 mír san iomlán ann.^[2]^[3]

A aistriúchán go Gaeilge na hÉireann

Chuir an tOllamh Caoimhín Ó Scanaill an bailiúchán ar líne mar aon le haistriúchán Gaeilge faoi thrí rogha de leagan amach. Tá an suíomh dírithe ar dhaoine a bhfuil Gaeilge na hÉireann ar a dtoil acu ionas go mbeidís in ann an Mhanainnis a fhoghlaim gan dul i muinín an Bhéarla.^[2]^[3]

Bhain Ó Scanaill feidhm as an inneall aistriúcháin Intergaelic leis na téacsanna a aistriú ón Manainnis go Gaeilge agus ghlan sé toradh an phróisis sin de láimh leis na botúin a cheartú.^[2]

Shíl léirmheastóir amháin go bhfuil "cuma aisteach ar chuid de na habairtí Gaeilge sa leabhar, atá beagán mínádúrtha ó thaobh struchtúir de". Deir Ó Scanaill go mbaineann sé sin le bunsprioc an tsuímh cabhrú do chainteoirí Ghaeilge na hÉireann dul i dtaithí ar ghnás Ghaeilge Mhanann. Ní dhearna sé "iarracht Gaeilge ‘líofa’ a chur ar an téacs; chloígh mé go dlúth le foclaíocht agus le struchtúr na Manainnise. Is d’aon turas a rinne mé seo, mar áis d’fhoghlaimeoirí."^[2]

Naisc sheachtracha

Ar líne: cadhan.com/skeealaght

Féach freisin

Tagairtí

↑ Kevin P. Scannell (2016). "skeealaght". Foclóir Manainnis-Gaeilge.
1 2 3 4 5 Maitiú Ó Coimín (2016-07-27). "Béaloideas na Manainnise ar fáil anois i nGaeilge". Tuairisc.ie. Dáta rochtana: 2026-01-29.
1 2 3 4 Kevin Scannell (Iúil 2016). "Skeealaght: Brollach". cadhan.com. Dáta rochtana: 2026-01-29.

[1] Kevin P. Scannell (2016). "skeealaght". Foclóir Manainnis-Gaeilge.

[:0-2] 1 2 3 4 5 Maitiú Ó Coimín (2016-07-27). "Béaloideas na Manainnise ar fáil anois i nGaeilge". Tuairisc.ie. Dáta rochtana: 2026-01-29.

[:1-3] 1 2 3 4 Kevin Scannell (Iúil 2016). "Skeealaght: Brollach". cadhan.com. Dáta rochtana: 2026-01-29.

[1]

[2]

[3]