Siobhán Peoples
| Beathaisnéis | |
|---|---|
| Breith | Inis  |
| Gníomhaíocht | |
| Gairm | ceoltóir, fidléir, léachtóir |
| Seánra | Ceol na hÉireann agus ceol traidisiúnta na hÉireann |
| Teangacha | An Ghaeilge agus Béarla |
| Uirlis | Veidhlín |
| Teaghlach | |
| Athair | Tommy Peoples |
Veidhleadóir í Siobhán Peoples as Inis i gContae an Chláir atá báite sa cheol Gaelach ó bhí sí aon bhliain déag. Tá cumasc d’oidhreacht Thír Chonaill agus d’oidhreacht an Chláir ag rith le dúchas an cheoil aici; b’fhidléir iomráiteach as Dún na nGall Tommy Peoples, a hathair agus bhíodh Kitty Linnane, a seanmháthair, ag casadh pianó le Banna Céilí Chill Fhionnúrach.
Tá Siobhán ina teagascóir dúthrachtach in Ollscoil Luimnigh le fiche bliain agus níos faide agus taitníonn léi a bheith ag múineadh ar fud na hÉireann agus na hEorpa. Is iomaí ceoltóir, go logánta, go náisiúnta agus go hidirnáisiúnta arb é díograis Shiobháin i mbun teagaisc an spreagadh is mó a bhí acu.
Chomh maith lena cuid múinteoireachta, is mór an tairbhe atá déanta ag Siobhán i saol an cheoil i mbaile Inse. Bhí páirt shuntasach aici in athbheochan Fhéile Cheol Traidisiúnta Inse agus rinne sí fónamh ar feadh na mblianta ar an gcoiste.
Le teann measa ar a cuid saothair, bronnadh gradam MÓRglór na bliana 2023 ar Shiobhán, mar chomóradh ar an dua a chaitheann sí leis an gceol traidisiúnta a chur chun cinn agus a bhfuil bainte amach aici mar a bheadh sí ina hambasadóir maidir leis an ealaín thraidisiúnta i gContae an Chláir.
Naisc sheachtracha
[cuir in eagar | athraigh foinse]Féach freisin
[cuir in eagar | athraigh foinse]Tagairtí
[cuir in eagar | athraigh foinse]  | Is síol faoi dhuine Éireannach é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |