Seosamh Watson

Ón Vicipéid, an chiclipéid shaor.

Ollamh Emeritus le Nua-Ghaeilge ag an Choláiste Ollscoile, Baile Átha Cliath is ea Seosamh Watson, né Joseph. Déan na Dáimhe Ceiltí ab ea é ó 1995 go 2001. Príomhchinnire a bhí in Seosamh Watson ag Foras Ríoga Ollscolach Bhéal Feirste ("Inst") sa tréimhse 1961–1962. Fuair sé scoláireacht oscailte i gClasaicí ansin ag Coláiste an Rí, Cambridge. Chuir sé obair iarchéime i bhfeidhm ina dhiaidh sin ar theangacha Ceilteacha ag Ollscoil Dhún Éidinn agus ag Institiúid Ard-Léinn Bhaile Átha Cliath. I ndiaidh tamaill ag obair sa Státseirbhís, ceapadh é sa bhliain 1970 i bpost i Roinn na Nua-Ghaeilge ag Coláiste na hOllscoile i mBaile Átha Cliath.

Tá áit faoi leith ag Watson agus a bhean chéile, an Dochtúir Vivien Hick (iar-bhall de mheitheal Ard-Mhúsaem na hÉireann), i saol lucht an chreidimh Bahá'í in Éirinn. Tá seisear clainne acu. Sa bhliain 1984 chuir Watson—in éineacht le Liam Ó Cuinneagáin — scoil Gaeilge do dhaoine fásta ar bun i nGleann Cholm Cille, Contae Dhún na nGall. Bíonn breis is 1,000 duine sa bhliain páirteach anois i gcúrsaí na scoile úd.

Tagairtí[athraigh | athraigh vicithéacs]